Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOBENA BE SNONKAKU KRISTEN

Rofyor Bebas Kedwa ya Iso Romamkun Oso

Rofyor Bebas Kedwa ya Iso Romamkun Oso

Rofyor ḇeḇas kedwa ya iso romamkun oso ido, fandun fa kawos ḇepon resari kuker sinan ḇyesuya. Kofrur rarirya ido, koḇesyowi su ḇe sinan ḇyesu. (Ams 6:20) Rofyor romamkun ani dor ko fa kosun ido, ipyum ya kosun awer. Rofyor sinan ḇyesuya suisya ro rum ḇa ido, nari kokaḇer ro fafisu ḇesena.

Mboi ima roma babo, imbude umur ḇyeja 15-19 taun ido, fandun fa kawos ḇepon resari ḇe sinan ḇyesuya. Mboi rofyor suisya ro rum ḇa ido, kofuken ḇe i nari sinan ḇyesuya sumarisen fa kyinfir syap-syap anna ro mankundi ke roḇa. Sumarisen ido, koḇuk syap ḇe i ma kokofenḇair jw.org ḇe i.

Rofyor korama kaḇer ḇe roma babo ḇemarisen ani ido, fandun fa kosrow kuker sinan ḇyesuya. Kofrur rarirya ido, na kona swaf fa kokofenḇair rosai ḇefnai fa korama ya ma kofasnaḇair snar Refoya naser ananun ḇepyum ḇebuk fainda faro kina ma bisa fa kokyar na. (Mz 119:86, 138) Koḇesyowi sinan ḇyesuya ido, nane nḇuk mamam ḇepyum faro rarama koḇena. Imbude na ro fafisu ḇese, na kokofenḇair ankankinem ḇeḇye faro kina ine.1Ptr 2:12.