Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Kokenem fa Kosandik Yahwe I!

Kokenem fa Kosandik Yahwe I!

Kankenem ima sasuref ḇepyum kaku. Moḇsa kokenem raya nfasnai koḇesyowi sasuref kankenem ine ke roḇa. Saksi-Saksi Yahwe koine, koḇesewar kaku fa koḇuk ḇaḇekir ma samambraḇ koḇena fa koḇesyowi ma kosandik Yahwe, Allah ḇeḇuk kankenem ya. (Mz 36:9; Why 4:11) Ḇape, ḇaḇeḇirḇar kuker kankenem koḇena ras ḇe ras ro dunya ḇeḇarḇor ine nafrur fa koḇefnder fandandun rur koḇena. (Mrk 4:18, 19) Fandun fa ko oser-oser kofuken ro mankunko, ’Aya isya yaḇuk roi ḇepyum syadi faro Yahwe I ke? (Hos 14:2) Fararur ayena ro ras-ras nawyaye fararmyan ayena ḇe Yahwe I ke? Fararur rur risai imbe yafrur ro ras-ras iwama ya? Rariso insama yafrur nabor syadi ro fararmyan ayena?’ Mam mboi roi ono isya fandun fa fadwer na ido, ḇenadi wor farfnoḇek ro Yahwe I ma wafrurna ḇeri. Kaku rarirya, kosandik Yahwe ro ras ḇe ras ido, nari kokenem kuker aski ma payamyum!​—Mz 61:8.

Faro manseiso na buk ḇaḇekir Bena?

MAM VIDIO BUK ḆAḆEKIR BENA FARO YAHWE I, RAMNAI KWAREM FAKFUKEN ḆEUSER NANE:

  • Rosai ḇefnai fa ipyum ya koḇuk awer ḇaḇekir koḇena faro Setan dunya ḇyena? (1Yoh 2:17)

  • Koḇuk roi ḇepyum syadi faro Yahwe ido, barakas rosai monda nari kosmaina?

  • Rariso na buk ḇaḇekir ma samambraḇ Bena fa wuffarmyan ḇe Yahwe I rai?