Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Koḇekir Syadi ro Fararmyan Koḇena—Kofasnai ḇe Ḇefarkor Refo Rariso Sifrur Fasasos

Koḇekir Syadi ro Fararmyan Koḇena—Kofasnai ḇe Ḇefarkor Refo Rariso Sifrur Fasasos

FANDUN YA: Rofyor ḇefarkor Refo sya sifrur fasasos ḇepon ido, na napyan faro si fa sifawi pyum ma siswarepen kaku rosai sfarkor na. Ine nari nafrur fa sisur fasaw ro rurya. Iḇye syadi wer rofyor sebaptis kwar, fandun kaku fa sifrur fasasos faro fananjur ma ḇaḇeḇaryas insama ’siwaren pdef’. (Mat 25:13) Snar rofyor sifawi moḇsa sfarkor rai ma sfasos oras fa sfarkor pdef ido, nari sismai fainda ro ras-ras kankenem sena. Inja, ro randak ya, fandun fa kofnoḇek ḇefarkor Refo kuker konsya insama simarisen fa sifrur fasasos faro farkarkor Refo sena.

MOḆSA KOFRUR NA RAI:

  • Kofasnai nyan ḇepyum. (Rm 2:21) Rofyor kofrur fasasos, kokarapan rosai ḇefarkor sya sfandun na. (km-IN 11/15 3) Kofasnai ḇe ḇefarkor Refo kuker konsya fa sakmam syap mankun koḇena kokakopḇair kwar na

  • Kor ḇe i fa ifrur fasasos. Fyor farkarkor ya imbran pyum kwar ido, kokofenḇair ḇe i snar ifrur fasasos ḇepon ima roi ḇefandun ro farkarkor Refo. Ma kokofenḇair ḇe i fainda rosai nari ismaina. Kokofenḇair nyan ḇepyandam rariso fyasos oras ḇyena fa ifrur fasasos. Manḇaryas ḇeḇeso sḇuk syap mankun sena ḇekapkopḇair kwar na ḇe ḇefarkor sya insama smam fainda ro sifrur fasasos ya. Komam ifrur fasasos kwar ido, koḇuk wos ḇefrur fa iryaḇ

  • Kofasnai ḇeri nyan fa ifrur fasasos. Ro randak ya, manḇaryas ḇeḇeso sḇuk swaf farkarkor oso fa sḇukifasnai nyan moḇsa ḇefarkor sya sifrur fasasos rai