Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

”Besyowi Kmami ma Snami”

”Besyowi Kmami ma Snami”

Fafisu Yesus ikenem ro supswan ine, fyasnaibos parenta ine, ”Besyowi kmami ma snami.” (Kel 20:12; Mat 15:4) Napyan fa Yesus dawos snai faro kawasa sya fa sesyowi sinan sesya snar mankundi rofyor ḇyabo kaker ”iso user” faro sinan ḇyansuya. (Luk 2:51) Ro fafisu Yesus iba kwar, rofyor imar ḇaim, iwan fa sino smamwarek snari.​—Yoh 19:26, 27.

Ro baboine kako, roma inai babo sya saksouser sinan sesya ma sfasnai syowi rofyor sawawos kuker sinan sesya. Ḇekaku ya, parenta fa koḇesyowi sinan koḇansi nama nya pupes ḇa. Ma sḇesinan kwar kako, fandun fa koḇesyowi si ḇesya kwar snar na kosmai fawawinanem ro si. (Ams 23:22) Koḇesyowi kako sinan koḇansi kuker komam rosai skara ma fandun baken sena. (1Tim 5:8) Inja, kobabo kaker ke koḇesinan kwar ke, nyan oser fa koḇesyowi sinan koḇansi iso kosewar fa kawawos ker kuker si.

MAM SONIN ḆESNAI ḆE FASFAS NYAN YA RARISO INSAMA BISA YAWOS PYUM KUKER SINAN AYESUYA? RAMNAI KWAREM FAKFUKEN NANE:

  • Rosai ḇefnai samswen ḇe Au fa wawos pyum kuker sinan bansuya?

  • Moḇsariso na besyowi sinan bansuya rofyor wawos kuker su?

  • Rosai ḇefnai fa wawos pyum kuker sinan bansuya nama roi ḇefandun nairi? (Ams 15:22)

    Wawos pyum kuker sinan bansuya ido na nafnoḇek Au fa wasmai bon ḇepyum syadi ro kenem Bedi