Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Yesus Imar Kako faro Naek Besi

Yesus Imar Kako faro Naek Besi

Yesus ḇyuk kankenem ḇyedi faro snonkaku ḇesasar ḇaido ḇenapesḇa. (Rm 5:8) Kakubae na koḇesyowi kaku snar Yesus i fyasnai saswar ḇyeja faro ko, inja imarisen imarwarek ko kam. Inja, kopok koḇefnder awer snar Yesus i kako dakmarwarek naek srar koḇesya. Rariso na kofasnai saswar raris Yesus fyasnai ḇe naek srar koḇesi, ḇesasar ḇemnis konsya? Nyan rikyor isya. Oserya, na koḇebati monda kuker snonkaku ḇerama ro er ḇaido sup ḇemnis kuker konsya ḇa. (Rm 15:7; 2Kor 6:12, 13) Ḇesuruya, na kosasor wos ma roi kofrurna insama nafrur duf snonkaku ḇesesya ḇa. (Rm 14:13-15) Ḇepupesya, rofyor ono sisya sifrur sasar yoḇ ko ido, na koḇuk ampun fasaw ḇe si. (Luk 17:3, 4; 23:34) Fyor koḇensewar fa kofrur rarirya ido kofa­snai komarisen kofarari Yesus ro roi nane, inja nari Yahwe ḇyebarakas sidang koḇedi insama ḇyeaski ma ḇyeoser pdef.

FASNAI VIDIO RARI ḆEPYUM SYADI! RAMNAI WAWOS FAKFUKEN ḆEUSER NANE:

  • Rariso sneḇaḇir Miki ḇyedi faro sidang ḇyedi?

  • Rosai ḇefrur i fa fyadwer kakara ḇyena?

  • Rariso Yesus farari ḇepyum ḇyedi nfadwer mamam ḇyena rai? (Mrk 14:38)

  • Rariso Amsal 19:11 na nafnoḇek kofa kona mamam ḇepyum ḇe min Kristen koḇesi?