Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Nari Yaksun ro Fararur Perintis Ekstra Wer Ke?

Nari Yaksun ro Fararur Perintis Ekstra Wer Ke?

Fasasna kuker bait Yehezkiel myam anya, nfasnaiḇair snar Yahwe kawasa Ḇyesi nari sḇuk farsarser kuker sne ḇemarisen. Rariso koḇuk farsarser fa kosandik Yahwe I rai? —Ibr 13:15, 16.

Nyan oser ḇepyum ya iso kosun ro fararur perintis ekstra. Ro taun dinas 2018, paik ono nya ras Sabtu ḇaido ras Minggu ririm. Inja, ḇefararur ro oras nakam bisa sḇaryas ro minggu pupes ya. Osower ido, ro paik Maret ma April ma rofyor rarama ro pengawas wilayah, manḇaryas sya bisa skinfir fa sḇuk oras ri 30 ḇaido 50.

Mboi, rariso rofyor jadi fa kosun ro fararur perintis ekstra ḇa? Bisa kosewar kaku fa fararmyan koḇena napyum syadi wer ma komyaren fa koḇaryas. Bisa kosun ro fararur perintis ke roḇa, iḇye kada saswar koḇena faro Yahwe I, nafrur fa koḇuk roi ḇepyum syadi faro I ro taun dinas 2018 ya!​—Hos 14:2.

Rariso insama yakraryaḇ raris Sabina Hernández i?

MAM VIDIO KUKER YAHWE I, RYA BISA YAFRUR ROI NAKAM, RAMNAI KWAREM FAKFUKEN ḆEUSER NANE:

  • Rosai ḇedif Sabina i fa ifrur nabor syadi wer ro fararmyan ḇyena ḇe Yahwe I?

  • Rariso Sabina farfyar ḇyedi syambraḇser Au rai?

  • Ro taun dinas 2018 ya, ro paik risai monda bisa fa waksun ro fararur ḇe perintis ekstra?