Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Dow Karajan Ḇeḇuk Samambraḇ

Dow Karajan Ḇeḇuk Samambraḇ

Paulus ma Silas sudisen dow sanandik faro Allah rofyor susmai ro bui. (Kis 16:25) Ro fafisu koḇedine, naek srar koḇesya sidisen dow Karajan rofyor sro kamp konsentrasi Sachsenhausen ro fafisu Nazi Jerman ma rofyor sisawen si ro Siberia. Fawar senane nfasnaiḇair papoik ro dow ḇesambraḇser snonkaku Kristen rofyor sismai farawrowes.

Kawan werḇa nari syap dow ḇebabo judul ḇyeja ”Bernyanyilah dengan Sukacita” bagi Yehuwa naisya ro wos ḇebor. Kona oso kwar ido, bisa fa koswarepenpan wos ḇyena ro swaruser koḇena kuker kodisen ker na ro nadi ro kina koḇedi. (Ef 5:19) Ramnai, rur ḇesren nari ifnoḇek ko fa koswarepen na rofyor farawrowes ndrama nkur ko. Dow Karajan nari nafnoḇek ko fa komamuser faro saneraro koḇena ma nsambraḇser ko ro fafisu ḇesamswen. Ma rofyor kosnesna naryaḇ ido, dow ḇena wos ḇerok raryaḇ nafrur ko fa ’kodisen dow rurya kobras faro Yahwe kuker sne ḇesiper’. (1Taw 15:16; Mz 33:1-3) Kuker sne ḇesiper mkorama kodisen pyum dow Karajan koḇena!

MAM VIDIO LAGU YANG MENGUATKAN PARA PEKERJA PAKSA, MA RAMNAI KWAREM FAKFUKEN ḆEUSER NANE:

  • Fafisu risai ḇeḇewar fa Naek Frost ifrur doya oso?

  • Rariso dow ani syambraḇser naek ḇero kamp konsentrasi Sachsenhausen sya rai?

  • Ro swaf risai monda ro kankenem Bedi na dow Karajan syambraḇser Au?

  • Dow Karajan minsai na wamarisen fa wadisen ker na?