Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 KANKENEM KOḆENA ḆE SNONKAKU KRISTEN

Bisa fa Wafnoḇek Snonkaku Kristen Ḇeaktif Ḇa Sya

Bisa fa Wafnoḇek Snonkaku Kristen Ḇeaktif Ḇa Sya

Ro ras Selasa, 11 April ya, snonkaku Kristen ḇeaktif ḇa sya nari srama ro munara Swarapepen. Siso kwar ro fanandi farandar faro kankenem ḇape ḇarpurya roi ḇeḇeso nafrur fa siyaryar. Roi ḇeḇefnai nane sfasḇairna ro brosur Kembalilah kepada Yehuwa. (Ibr 12:1) Ḇape, Yahwe ḇyesyowi kaker snonkaku ḇeaktif ḇa ansine, snar kyoḇes si kwar kuker rik Rumkun Ḇyedi. (Kis 20:28; 1Ptr 1:18, 19) Rariso na kofnoḇek si fa skaḇer ḇe sidang ya rai?

Penatua ḇero sidang ḇesewar ma ḇefnoḇek snonkaku Kristen ḇeaktif ḇa sya, simnis manfarandows ḇemyaren ḇesewar domba ḇeḇyor ḇeḇinkwanbur nai ḇyedi. (Luk 15:4-7) Nane nfasnaiḇair Yahwe sawarwar Ḇyeja. (Yer 23:3, 4) Ḇefnoḇek snonkaku ḇeradinensya sima penatua sya monda ḇa, mboi kokame. Rofyor kosewar kaku fa kofasnai ḇaḇenaḇye ma kakḇabir rosai sḇabirna ido, inema nafrur marisen ḇe Yahwe I ma nun barakas. (Ams 19:17; Kis 20:35) Inja, kwarapan mansei bisa fa wakfnoḇek si, ma wafnoḇek si ḇeri!

MAM VIDIO MEMBANTU YANG TIDAK AKTIF, MA RAMNAI KWAREM FAKFUKEN ḆEUSER NANE:

  • Rosai Abbey ifrur ḇepon ya rofyor isrow kuker Saksi ifawi ḇaim?

  • Rosai ḇefnai fandun fa kosrow ḇepon penatua sya rofyor kokara koḇe kofnoḇek snonkaku ḇeaktif ḇa oso?

  • Rofyor Abbey ryakaki kali ḇe suru ḇe Laura i, rosai fyasos ya?

  • Rariso Abbey fyasnai ḇaḇefarmku, kaḇaḇaḇ ma saswar rofyor isewar fa ifnoḇek Laura i?

  • Farkarkor rosai kun ro Yesus sarḇer ḇyena ḇefas ro Lukas 15:8-10 ya?

  • Barakas rosai Abbey ismana snar ifrur roi nabor kwar fa ifnoḇek Laura i?