Rwa beri be konten ya

Saksi-Saksi Yahwe

Pilih Bahasa Biak

Karkara Bedi Rariso kuker Fafisu Iyama?

Karkara Bedi Rariso kuker Fafisu Iyama?

Dunya ine na . . .

  • ryadine monda ke?

  • iḇyeḇa ke?

  • ipyum syadi ke?

 ROSAI REFO BYADIR NA

”Allah . . . Nari ipyos mkarui nakambur mka sena, snar marmarya isyaḇa kwar; sne ḇefafardun, kankanes, roḇa dafduf naisyaḇa kako. Roi ḇeḇor ḇekwar napromes.”​—Wahyu 21:3, 4, Wos Ḇyak ro Rasras.

NUN PAYAMYUM BE AU

Fararur ḇeyun doryaḇ ma marisen.​—Yesaya 65:21-23.

Dafduf ma kandera na onower ḇa.​—Yesaya 25:8; 33:24.

Kankenem ḇeḇe aski ma marisen fyoro-fyoro kuker kina ma bati sya.​—Mazmur 37:11, 29.

 RARIRYA KOKYAR FARO SA REFO BYADIR NA?

Imbo. Isoine nyan ri suru:

  • Allah nya samambraḇ fa ifrur asas ḇyena. Ro Refo ya Allah Yahwe sor iḇe, ”Allah ḇepoik syadi”, snar papoik ḇyena nabor. (Wahyu 15:3) Inja kaku ḇeri Yahwe na fyadwer dunya ine fa ipyum syadi wer. Refo ya ikofen, ”Faro Allah roi ḇeḇor kam ndarirya.”​—Matius 19:26.

  • Allah imarisen kaku fa ifrur asas ḇyena. Yahwe ”myander” fa ḇyuk aḇiḇer faro ḇemar sya.​—Ayub 14:14, 15, NW.

    Refo ya fyasna kako, Yesus ḇyuk pararei faro ḇeduf sya. Rosai ḇefnai? Snar imarisen. (Markus 1:40, 41) Imnis raris Allah, Yesus imarisen kaku fa isaramper si ro fandandun sena.​—Yohanes 5:19.

    Inja, kokyar kaku faro Yahwe ma Yesus snar sumarisen fa kaksmai ḇaḇe aski ro fafisu iyama!​—Mazmur 72:12-14; 145:16; 2 Petrus 3:9.

 INFA KOKARA

Rariso Allah na ifrur fasos dunya ine?

Fakfuken ine Refo kyarem na ro MATIUS 6:9, 10 ma DANIEL 2:44.