Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 55

Yahwe Malaikat Ḇyedi Kyadaun warek Hizkia

Yahwe Malaikat Ḇyedi Kyadaun warek Hizkia

Karajan Asiria ḇyepoik faro Karajan Israel keret risamfur kwar. Kirine raja Asiria, Sanherib, imarisen fa ḇyepoik Karajan Yehuda keret risuru wer. Ifrur kafyo mnu-mnu ḇero Yehuda oser-oser. Ḇape, mnu imarisen kaku ya iso Yerusalem. Sanherib ifawi ḇa ḇoi Yahwe kyadaun warek Yerusalem.

Hizkia, raja Yehuda, ḇyuk pipi nabor ḇe Sanherib insama myamunmun Yerusalem i ḇa. Sanherib dun pipi anya kwar, ḇape iwan ker sordade ḇyesi fa smun Yerusalem. Snonkaku ḇero mnu ansi simkak fafayaḇa snar snonkaku Asiria sifanam kwar. Inja Hizkia ikofen ḇe si, ’Mkomkak awer. Kakuḇae, snonkaku Asiria sisambraḇ, ḇape Yahwe nari ifrur ko fa kosambraḇ syadi ro si.’

Sanherib iwan manwawan ḇyedi, Rabsyake ḇe Yerusalem fa kyoryae snonkaku ḇero diansya. Rabsyake dores ro mnu ani bandiri ma dawos naba, ’Yahwe ipok ifnoḇek mko ḇa. Hizkia ifrowes mko awer. Allah osoḇaberi na kyadaun warek mko.’

Hizkia ifuken ḇe Yahwe rosai fandun fa ifrurya. Yahwe kyarem ḇe i, ’Wamkak awer snar Rabsyake wos ḇyani. Sanherib nari ifrur kafyo Yerusalem i ḇa.’ Ramnai, Hizkia ismai syapram riḇeso ro Sanherib. Ro syapram anna Sanherib doḇe, ’Mkosusu mura. Yahwe na ipok fa fyaspar mko ḇa.’ Inja Hizkia ḇyenadi, ’Yahwe yo, wafnoḇek inko kada, insama snonkaku syakam sifawi Au monda Allah ḇekaku ya.’ Yahwe ikofen ḇe i, ’Raja Asiria nari ipok fa ryama ḇe Yerusalem ḇa. Na yakadaun warek mnu Yedi.’

Sanherib ikyar kaku kerower na nya Yerusalem. Ḇape, ro roḇ oso, Yahwe iwan malaikat oso ḇe  rum kruḇen sordade Asiria sena ḇero mnu ani bandiri. Malaikat ani myun pres sordade ri 185.000! Raja Sanherib snonmamun ḇyesyakam simar. Roi ḇeḇesya nane nafrur fa ibur beri. Yahwe kyadaun warek Hizkia ma Yerusalem imnis ḇyeasas kwar. Fafisu ani wakro Yerusalem ido, na wakyar kako faro Yahwe I ke?

”Malaikat Yahwe ḇyesi skain yaryar snonkaku ḇefasnai syowi faro I sya, ma fyaspar si.”​—Mazmur 34:7