Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 31

Yosua ma Snonkaku Gibeon

Yosua ma Snonkaku Gibeon

Er-er ḇese ḇero Kanaan srower roi ḇekur mnu Yerikho i. Raja sesi sna wos oser fa smamamun snonkaku Israel sya. Ḇape, snonkaku Gibeon sna aw ḇese. Sisansun sansun ḇemuk kwar, mura sra fa sisrow kuker Yosua i ma sikofen ḇo soḇo, ’Nkoramaker ro moḇ ḇebinkwan. Nkorower kwar manseiso Yahwe I ma rosai ifrur faro mko ro Masir ma Moab. Mkoḇeasas maro nko nari mkomun nkoḇa, ma nari mkoḇe manfyan ḇe mko.’

Yosua ikyar faro si ma ḇyeasas nari myun si ḇa. Ras rikyor mura, insape ifawi sramaker moḇ ḇebinkwan ḇa, ḇape sramaker sup Kanaan. Yosua ifuken si, ’Rosai ḇefnai fa mkofrowes nko?’ Skarem ḇo soḇe, ’Nkomkake! Nkofawi Yahwe Allah mkoḇedi ḇemun warek faro mko. Nkor kaku insama mkomun awer nko.’ Yosua ifrur imnis asas ḇyena ma myun si ḇa.

 Fyoroḇa ramnai, raja Kanaan ririm ma sordade ḇyesya sḇuk wos makakak faro snonkaku Gibeon sya. Yosua ma sordade ḇyesya sra fa sfaspar snonkaku Gibeon si. Simbran ro roḇya ḇesiper. Meser arwo ya, smamunmun beri. Snonkaku Kanaan sifrar ḇe moḇ ḇeḇesisye. Ḇape, Yahwe ifrur fa karui ḇeba na namerpum si. Mura Yosua dor Yahwe I fa ifrur oriya isyun awer resari. Rosai ḇefnai fa dor Yahwe fa ifrur roi ḇerarirya ḇeḇesya ro fafisu oso ḇaim? Snaro Yosua ikyar faro Yahwe I. Ras anya, oriya isyun ḇa isof ro snonkaku Israel sifrur kafyo raja-raja Kanaan ma sordade sesya.

”Rofyor mḇoi, iḇye mkokofen: mḇoi, rofyor roḇa, iḇye mkokofen: roḇa. Rosai ḇesyadi ro ine ḇyeknam ro ḇeḇarḇor ya.”​—Matius 5:37