Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 7

Ayar Karui Ḇekaki ro Babel

Ayar Karui Ḇekaki ro Babel

Faḇruḇ Ḇeba ya posa, Nuh roma ḇyeskoya ma siswasi sikapar romawa sibore. Kina sesi sibor syadi wer. Inja, siryewen ro moḇ ḇesisye ro supswan ine, raris Yahwe iwan kwar na.

Mboi, sino sisya sisouser faro Yahwe I ḇa. Sikofen ḇo soḇe, ’Mkorama koḇawes mnu ḇeba oso ma koḇarek ro dine monda. Na kofrur ayar karui ḇekaki syadi isof ro farsyos iyaswa. Nari nafrur fa kona snonsnon.’

 Yahwe imarisen faro roi sifrur anna ḇa, inja imbe idwarek fararur sena. Wakfawi moḇsa Yahwe ifrur na rai? Ifrur napnap wos sena fa neḇesisye. Snar sifawiyae roi sawos na ḇa, inja simnai ro fararur ḇaḇawes ani. Mnu sḇawes anya sap i ḇe Babel, isoine ”Napnap”. Rarirya, kawasa ansya sibur moḇ ani ma siryewen ro supswan ḇesiper. Mboi, ro moḇ ḇebabo sḇarek anya, sifrur ker roi ḇeḇyeḇa na. Snonkaku ḇeswar Yahwe I sya sisya kaker ke? Rwama kosewar fa kofawi na ro farfyar ḇerama ya wer.

”Allah isampum ḇemarares, ḇape iswar ḇerun sisnesna.”​—Yakobus 4:6