Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 85

Yesus Ḇyuk Pararei ro Ras Paskah

Yesus Ḇyuk Pararei ro Ras Paskah

Snonkaku Farisi sya simewer kaku Yesus i. Inja sisewar nyan insama sfori. Sikofen ipok fa ḇyuk pararei ḇa faro snonkaku sya ro ras Paskah, snaro ro ras ani simnai kam ro fararur sena. Ro ras Paskah anine, Yesus myam snonkaku oso ḇepraf ro fafisu snari kyapar i ma dararor ro nyan. Yesus ikofen ḇe manfamyan ḇyesya, ’Mkomam rariso Allah papoik ḇyeja fyasnai kaku ro snon ine.’ Yesus dun saprop kermkun ma daninef ro na, ramnai ryir naro snon ani mkamor ḇyesuya. Yesus ikofen, ’Rwa ban mkamor beja ro war Siloam.’ Snon ani ifrur rarirya, inja fafisu ya myam ḇeri.

Snonkaku sya sikandor kaku. Ma sikofen, ’Snon ine iso randak ya ḇeyararor ro nyan anya, ḇaido imnis monda snon ani ke?’ Snon ani ikofen, ’Ayai ri!’ Inja sifukeni, ’Rariso bisa mam rai?’ Ikofenḇair roi ismai ine faro si, mura sun i ḇe snonkaku Farisi sya.

Snon ani ikofenḇair ḇe snonkaku Farisi sya, ’Yesus pyom roi oso ro mkamor yesuya, ramnai iwan fa yaḇan mkamor yedi. Yafrur radirya, inja kirine yamame.’ Snonkaku Farisi sya sikofen, ’Yesus ḇyuk pararei ro ras Paskah ido, papoik ḇyeja ryama ro Allah I ḇa.’ Ḇape snonkaku ḇesesya sikofen, ’Papoik ḇyeja ryama ro Allah I ḇa ido, nari ḇyuk pararei ḇa.’

Snonkaku Farisi sya sor romawa ani sinan ḇyesya ma sifuken su, ’Rariso romawa  muḇedine myam rai?’ Sinan ḇyesu sumkak snaro snonkaku Farisi sya sikofen manseiso ḇefasnai kakyar faro Yesus i, nari sisasyar i ro rum ari. Inja sukofen, ’Nufawi ḇa. Mkofuken i monda.’ Snonkaku Farisi sya sifuken ker ḇe snon ani, mura ido ikofen, ’Yakofenḇair kwar ḇe mko kame. Mboi rosai ḇefnai fa mkofuken ker ayanya? Snonkaku Farisi ansya simsor kaku ma siyaw snon ani.

Yesus isrow kuker snon ani ma ifuken ḇe i, ’Wakyar kaku faro Mesias i ke?’ Snon ani kyarem, ’Yafawi pyum Mesias ido, na yakyar faro i.’ Yesus ikofen, ’Aya iso Mesias ani.’ Yesus fyasnai frur pyum ḇe snon anine. Ḇyuk pararei ḇe snon anya monda ḇa, mboi ifnoḇeki fa ikyar ḇe Mesias i.

”Mkosasar bos, snar mkofawi Refo ḇa, ma rarirya kako Allah papoik ḇyena.”​—Matius 22:29