Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 11

S’fas Syap Kuker Yesus Kankenem Ḇyedi

S’fas Syap Kuker Yesus Kankenem Ḇyedi

Wafawi manseiso ḇero sonin ine ke?— Siso Matius, Markus, Lukas, Yohanes, Petrus, Yakobus, Yudas, ma Paulus. Sikenem ro fafisu ḇemnis kuker Yesus i. Ma, s’fas syap kuker Yesus kankenem ḇyedi. Syap-syap nane nasya ro Refo. Rwama kufarkor kuker manfasfas sine.

Rosai wafarkor ro manfasfas sine?

Manfasfas Refo rikyor sine sima manwawan, ro fafisu ya skofarmyan kayam kuker Yesus i. Manseisiri?— Matius, Yohanes, ma Petrus. Manwawan Matius ma Yohanes  suma sufanam kaku be Yesus i, ma su oser-oser sufas syap oso kuker Yesus kankenem ḇyedi. Manwawan Yohanes dakfas syap Fasasna Faro Yohanes (Wahyu), ma syap rikyor sapna be oser Yonahes, suru Yohanes ma kyor Yohanes. Manwawan Petrus dakfas syap ḇesewer sapna be oser Petrus ma suru Petrus. Ro syap ḇeḇesuru ya, fyas snar Yahwe dawos ro nanki. Fafisu ya Yahwe ikofen kuker Yesus, ’Ine do romawa Yedi. Yaswar i kaku, ma yamarisen kaku faro i.’

Ro sonin ine ono sisya kako ḇefas syap kuker Yesus kankenem ḇyedi. Oser ya ido snonsnon ḇyeja Markus. Rofyor s’for Yesus i, Markus i kako ryodiya ma myam rosai ḇeḇejadi ya. Osower ido Lukas. Ima dokter rirya. Ḇape, ḇye snonkaku Kristen rofyor Yesus imar kwar.

Ro sonin ine manfasfas risuru suma Yesus ḇedar ḇyesurya. Manseisurya?— Suiso Yakobus ma Yudas. Randak ya sukyar faro Yesus farkarkor ḇyena ba. Iba syadiwer sukofen Yesus ima swaruser ḇyena namnis ba kwar. Imbape, barpur ya mura ido sukyar be Yesus ma suḇe manfamyan be i.

Manfasfas ḇepupes ro sonin ine ido Paulus. Rofyor ḇye snonkaku Kristen ḇaim snori Saulus. Randak ya fyafayaf kaku faro snonkaku Kristen sya, ma imarisen myun si. Ḇape, rosai ḇefnai fa dakbe snonkaku Kristen?— Ryadine, ras oso ido ryamura be mnu ḇese. Fyoriya ikandor mkarem oso dawos ro nanki be i. Iso Yesus i! Ifuken be Paulus, ’Rosai ḇefnai fa mun manfamyan yesi?’ Fasasna ani nafrur fa fyadwer ken’m ḇyedi ma dakḇe snonkaku Kristen. Ro Refo Paulus fyas syap ri 14, fyas syap Roma isof ro syap Ibrani.

Ro ras nakam kowasya Refo ya ke?— Kuker kowasya Refo ya ido, na kofawi nabor kuker Yesus i. Wamarisen wafawi naborwer kuker Yesus i ke?—