Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 1

Kankunes Ḇesren Oso Ḇefrur fa Komarisen

Kankunes Ḇesren Oso Ḇefrur fa Komarisen

Fafisu oso rwower kwar kankunes ke?— * Ro Refo ya, kankunes oso ḇepyum kaku isya. Sap i be ”kankunes ḇesren”. Ine sap na ḇe kankunes snar, fyor iwara snonkaku oso ḇaberi befawi kankunes ine. Ine sap na be kankunes ḇesren snar ryama ro Allah I. Ḇar malaikat si kako siryaḇ kaku fa sifawi kankunes ine. Au kako Wamarisen Wafawi na ke?—

Karkara Bedi ido, rosai ḇefnai fa ḇar malaikat sya siryaḇ kaku fa sakfawi?

Rofyor iwara, Allah ifrur snon ma bin ḇerandak. Snonsnon suḇeja iso Adam ma Eva. Allah ḇyuk moḇ ḇepduk kaku fa suḇarek, moḇ ani sap i be Yaf Eden. Snar rofyor ya susouser Allah ido, nari su ma kpu suḇesya sifrur supswan ine be firdaus ḇepduk kaku, imnis raris yaf ani. Ma nari sikame sḇarek pdef ro dia. Ḇape, rosai Adam ma Eva sufrur na?—

Adam ma Eva susouser Allah I werba inja, ro kirine koḇarek ro Firdaus anya ba. Ḇape Allah doḇo, nari ifrur supswan ine fa ipduk kaḇer, ma snonkaku ḇekenem ro dia nari sismai aski isof fioro. Mboi nyan ya rariso fa Allah ifrur kaḇer na rai? Ro taun syaran be syaran ono sifawi kankarem ḇyena ba. Snar inema ḇye kankunes kaker.

Fafisu Yesus ryama be supswan, fyawar kankunes ine be snonkaku sya. Ikofen, kuker Karajan Allah iso nari ifrur kaḇer supswan ine be Firdaus ḇepduk kaku. Iso ḇefnai fa Yesus doḇe koḇenadi ma kor insama Karajan ani ryama fasaw.

Wamarisen fa wafawi kankunes ine ke?— Ḇape waswarepen, snonkaku ḇesoasuser faro Allah siso monda nari ḇeḇarek ro Firdaus ani. Ro Refo ya, fawar nabor nasya kuker snonkaku ḇesoasuser faro Allah. Wamarisen wafawi fawar ḇyeja ke?— Rwama, kosewar fa kofawi manseisirya monda ma nyan ya rariso insama kosofarari si.

^ par. 3 Ro ḇar farkarkor nakam, nari fakfuken ono isya kuker aḇyair beradine (—). Ine kyurfasnai insama fandun fa sinan sya simnai fasaw insama romawa sya sikarem.