Rwa beri be konten ya

Rwa ḇeri ḇe sasyos sarser

Saksi-Saksi Yahwe

Pilih Bahasa Biak

 FARKARKOR 12

Paulus Fno Ḇyedi Ḇemkak Ba

Paulus Fno Ḇyedi Ḇemkak Ba

Kirine, nari kofarkor kuk’r roma babo oso ḇefnoḇek imem ḇyeja. Imem ḇyeja snori iso Paulus. Kofawi roma babo ine snonsnon ḇyeja ba. Imbape, ima snonkaku ḇemkak ba kaku. Imbe wafawi rosai ifrur ya ke?—

Ro Yerusalem, sisun Paulus i ro bui snar fyawarker Yesus i. Snonkaku ḇeḇarḇor sisya sayin Paulus i. Inja saw mamun be i, ’Mkorama kor fa ḇeḇukor ro sordade Romawi dun Paulus i be moḇ kankain karkara. Nari kofe ro nyan andir ya, ma rofyor Paulus imbrannuk ro nyan ine ido, komun i!’

Paulus fno ḇyeja ikofenḇair be Paulus ma ḇeḇukor ro sordade Romawi kuker aw ḇeḇyeḇa ani

Paulus fno ḇyeja ryower aw ḇeḇyeba ine. Rosai ifrur ya? Ryaḇe bui ma ikofenḇadir na be Paulus i. Inja ro orasya beri, Paulus iwan i fa ryaḇe ḇeḇukor ro sordadeya fa ikofenḇadir aw ḇeḇyeba ani. Karkara bedi ido, inema roi ḇepyan faro Paulus fno ḇyeja ke?— Oroba, snar ḇeḇukor ro sordade ima snonkaku ḇepoik. Ḇape, Paulus fno ḇyeja imkak ba kaku fa dawos faro ḇeḇukor ro sordade ani.

Ḇeḇukor ani ispak beri. Iwan sordade ri 500 fa smamwarek Paulus i! Fandun fa sun i be Kaisarea ro roḇ ani kako. Inja Paulus syae bur ro aw bemun ine ke?— Imbo, snar snonkaku ḇeḇarḇor ansi jadi fa smuni ba! Aw ḇeḇyeba senaine ndarirya ba.

Farkarkor rosai wun ro fafyar ine?— Au kako na bisa fa wamkak ba raris Paulus fno ḇyedi. Fandun fa kofawar kuk’r Yahwe marisen Ḇyena. Wamarisen ḇeromawa ḇemkak ba fa fawar pdef kuk’r Yahwe marisen Ḇyena ke?— Wamkak ba ido, nari bisa wafnoḇek snonkaku ḇesesya fa sisae bur ro roi bemun.