Au indo, rosairi . . .

  • Wos Allah ke?

  • wos snonkaku ke?

  • Fawar Sinan sya ke?

 ROSAI REFO BYADIR NA

”Fasfas ḇebor ḇeramuma ro Allah nbefainda kaku fakoḇuki fyarkor.”2 Timotius 3:16, Wos Ḇyak ro Rasras.

NUN PAYAMYUM BE AU

Kankarem ḇekaku faro fakfuken ḇefandun kaku ro kankenem koḇena.Amsal 2:1-5.

Farkankin ḇekaku faro kankenem ro ras ḇe ras.Mazmur 119:105.

Saneraro faro ras naiwama.Roma 15:4.

 RARIRYA KOKYAR FARO SA REFO BYADIR NA?

Imbo. Isoine nyan ri kyor:

  • Ḇero do na namnis kame. Refo ya sfas naro 1.600 taun kuker manfasfas sya se 40. Ḇar ḇeba ya sifawiyaesi ḇa. Ḇape, ḇero dori na namnis kame ma wos ḇeyaḇek na oser monda!

  • Fawar ḇekaku. Manfasfas fawar dunya sikofen badir sasar sena ḇa ma er sena. Ḇape, manfasfas Refo sya sifas sasar sena ma er sena.2 Tawarikh 36:15, 16; Mazmur 51:1-4.

  • Kafkofen fasasna kokyarna. Refo ikofen badir ḇepon 700 taun moḇ nari Kristus ḇyeḇeaḇen ro ya, ro Betlehem sup Yudea. (Mikha 5:2) Ro moḇ irya beri Yesus ḇyeḇeaḇen!Matius 2:1-6.

Kafkofen fasasna ḇebor ro Refo ya komam na kwar, isof ro ḇar mkun ya. Inja nane kam nbadiro Refo ine wos Allah rirya.2 Petrus 1:21.

 INFA KOKARA

Rariso wos Allah na ḇyuk kankenem ḇepyum faro ko?

Fakfuken ine Refo kyarem na ro YOHANES 17:17 ma 2 TIMOTIUS 3:16, 17.