Au indo, rosai . . .

  • ro snemun nkoḇena ke?

  • moḇ oser ro supswan ine ke?

  • ḇaḇesasoser ro nanki ke?

 ROSAI REFO BYADIR NA

”Allah nari ḇyuk faroi, karapesa nasan Daud, kpu ḇyedi, ma nari ḇye wairek faro Yakub kpu ḇyesi, isof fyoro-fyoro.”Lukas 1:32, 33, Wos Byak ro Rasras.

”Papoik ḇaḇesasoser supswan baboine isya ro Manseren koḇedi ḇramin ḇyedi ma Wairek Ḇeḇuk koreri sḇeasas kwarya.”Wahyu 11:15.

NUN PAYAMYUM ḆE AU

  • Ḇaḇesasoser ḇekaku na ḇyuk ḇeḇe aski ro kankenem.Lukas 11:28.

  • Na kosmai pararei ma marisen ro dunya babo iwama.Wahyu 21:3, 4.

 RARIRYA KOKYAR FARO SA REFO BYADIR NA?

Imbo. Isoine nyan ri suru:

  • Yesus fyasnabadir rosai Ḇaḇesasoser Allah ifrur kwar. Yesus fyarkor manfamyan ḇyesya fa sinadi snar Ḇaḇesasoser Allah ryama ro supswan ine. (Matius 6:9, 10) Yesus fyasnabadir kwar nadi ine na ndarirya.

    Fafisu ro supswan ine, Yesus fyan ḇebisersya ḇyuk pararei ḇedufsya ma ḇyuk kenem be ḇemarsya! (Matius 15:29-38; Yohanes 11:38-44) Ine fyasnabadir rosai na ifrur ro Ḇaḇesasoser Allah ibasyadi faro kawasa sya.Wahyu 11:15.

  • Roi bebyeba komam ro dunya ine, ḇyadiro Ḇaḇesasoser Allah na ryama fasaw. Yesus ikofen ro fyor ḇaḇesasoser ryama ḇaim na komam mamamun ya, basbiserya ma rim ḇeba ro moḇ nakame.Matius 24:3, 7.

    Naiso komam ro baboine. Inja kokyar kaku Ḇaḇesasoser Allah na ipyos nakame.

 INFA KOKARA

Rosai na kosmai kaku ro Ḇaḇesasoser Allah ya?

Fakfuken ine Refo kyarem na ro MATIUS 5:5 ma 2 PETRUS 3:13.