MAM KADA
Text
Image

(1 Tesalonika 5:17)

  1. 1. Konadi faswef mufaḇe Yahwe.

    Kasumasa snar kun snonsnon Ḇyedi.

    Kokof’nḇair kosnesna faro I,

    Kokyar fa kosnefer monda ḇe I.

    Konadi ro ras nakam.

  2. 2. Kasumasa faro kenem ine,

    Kor ampun ma koḇuk ampunyae.

    Faro I monda koḇas kosnesna.

    Yahwe fyawi koine saprop siko.

    Konadi ro ras nakam.

  3. 3. Konadi fafisu kosmai samswen.

    Mami koḇedi na kyadaun ko.

    Kor kaku insama ifnoḇek ko;

    Komkak awer, kokyar monda ḇe I.

    Konadi ro ras nakam.

(Mam kako Mz. 65:5; Mat. 6:9-13; 26:41; Luk. 18:1.)