MAM KADA
Text
Image

(Matius 5:12)

  1. 1. Kona roi ḇefrur ko fa koryaḇ,

    Rya kosmai nana ḇewarpu.

    Roi ḇepyum srama ro er nakam

    Srandum sḇeoser kuk’r kokam.

    Raryaḇ koḇena nya knam kaku,

    Nerares ro Wos Refoya.

    Ras ḇe ras nbuk farkarkor ḇe ko;

    Kakyar koḇena nasur pdef.

    Kona roi ḇefrur ko fa koryaḇ,

    Nafo ro kosnesna dona.

    Rofyor kosmai farawrowes ya,

    Komku snar Yahwe ryous ko.

    (REEF)

    Kona raryaḇ snar Yahwe I,

    Fararur Ḇyena nun raryaḇ.

    Nya fawinanem ma papoik ḇeba,

    Allah ḇefo kuker saswar!

  2.  2. Komam Allah ḇraur Ḇyena kam,

    Farsyos, sup ma soren naiwa.

    Komam ro syap fawar kankenem,

    Nafo kuk’r fararur Ḇyena.

    Kuker raryaḇ kora koḇaryas,

    Kokofen Karajan Allah.

    ’Fyor dores ma barakas ḇyena,

    Koḇaryas na ro moḇ nakam.

    Raryaḇ fyoro fyanam kaku kwar,

    Imnis oridek ro arwo.

    Farsyos ma supswan ḇebabo ya

    Na nun raryaḇ ḇekain fyoro.

    (REEF)

    Kona raryaḇ snar Yahwe I,

    Fararur Ḇyena nun raryaḇ.

    Nya fawinanem ma papoik ḇeba,

    Allah ḇefo kuker saswar!

(Mam kako Ul. 16:15; Yes. 12:6; Yoh. 15:11.)