Taun ḇe taun, kofrur fasasos fa kowaf munara rohani na kosma ro munara kebaktian regional koḇedi. Insama snonkaku ḇese sya sikako smam ḇaḇenaḇye Yahwe ḇyedi, nari komarisen fa kor snonkaku ḇeḇor kaku sya srama fa sakso kuker ko. (Mz 34:8) Badan penatua ro sidang nari sna wos oser kuker nyan ḇepyum rariso sirwas syapram fararyor ro moḇ nakam.

FANDUN FA KOSWAREPEN NA

  • Ras risai kebaktian ro moḇ ayedi nari sifrur ya?

  • Ras risai kampanye ro moḇ ayedi nari ḇyerak?

  • Ras risai nari sifrur fananjur faro ḇaḇeḇaryas ya?

  • Rosai fainda yamarisen yasmana ro kampanye ine?

  • Manseiso monda yamarisen fa yor sya fa sakso?

ROSAI NARI WAKOFEN NA?

Wakofen aroo ramnai, na wakofenwer:

”Inkoine nkoso kampanye ḇero supswan ḇesiper fa nkorwas syap fararyor faro munara ḇefandun kaku oso. Ras ya, oras, ma kankon sifasna ro syapram fararyor ine. Nkomarisen kaku fa kokam koso kayam ro munara ine.”

RARISO NA KOFASNA KOMYARENUSER SI RAI?

Komarisen kor snonkaku ḇebor kaku sya fa sakso ro munara kebaktian ine, ḇape fandun fa kofasos mankun ko fa kofasna raryaḇ.

Ro papupes minggu ya, na koḇuk syap ḇesena fnoḇek syapram fararyor.