Tinikeni pa kuti muye ku filimo

Tinikeni pa kuti mumone fimbi ifilimo

Inte sha kwa Yehova

Cibemba

Bushe Mufumya kwi Indalama Mubomfya mu Mulimo Wenu?

Bushe Mufumya kwi Indalama Mubomfya mu Mulimo Wenu?

Inte sha kwa Yehova abene e baitemenwe ukusangula indalama shibomfiwa mu mulimo wa kushimikila. Pa kulongana, takuba abapoka umutuulo, kabili aba mu cilonganino tabapeela imisangulo iya pe kumi. (Mateo 10:7, 8) Lelo mu Mayanda ya Bufumu mulaba utubokoshi twa kubikamo imisangulo umo abalefwaya ukusangula indalama bengapoosa. Abasangula indalama tababikamo na mashina yabo.

Umulandu umo uo tubomfesha bwino indalama wa kuti tatwakwata bashimapepo abafola. Na kabili, Inte sha kwa Yehova tabafolelapo pa kushimikila ku ng’anda ne ng’anda, kabili ifikuulwa tupepelamo te fya mutengo sana.

Imisangulo yonse iyo batuma ku maofeshi ya Nte sha kwa Yehova baibomfya mukwafwilisha abaponenwa na masanso, ukwafwa ba mishonari na baeluda abatandalila ifilonganino, ukukuulilamo ifikuulwa fya kulonganinamo mu fyalo ifipiina, e lyo na mu kupulinta ama Baibolo ne mpapulo shimbi no kufituma mu ncende shalekanalekana.

Umuntu umwine e usalapo uko alasangula umusangulo, nampo nga ni ku kwafwa ifya pa cilonganino, ukwafwa umulimo wa mwi sonde lyonse, nelyo fyonse fibili. Lyonse ifilonganino filalondolwela ababamo ifyo indalama basangwile shabombele.