Twasanga ukuti abantu abengi abaya ku mapepo balitemwa sana ukulanshanya amashiwi ya kwa Lesa. Lelo, tulacindika ifyo umuntu umwine asuminamo, kabili tatupatikisha abantu ukusumina mu fyo twasuminamo.

Nge fyo Baibolo itufunda, nga tulelanshanya na bantu ifya kwa Lesa tulaba no “mutima uwafuuka” kabili tulaba “na katiina” kubo tulelanda nabo. (1 Petro 3:15) Twalishiba ukuti bamo kuti bakaana amashiwi tulebashimikila. (Mateo 10:14) Lelo tatwishiba nga kuti bakutika nelyo ukukaana ukufikila twalanda nabo. Na kabili twalishiba ukuti ifintu mu mikalile ya bantu filaaluka.

Natulangilile, limo umuntu kuti apamfiwa sana ica kuti afilwa no kulanda na ifwe, lelo pa bushiku bumbi kuti asumina ukulanshanya nankwe. Na kabili abantu kuti bakwata amafya eyengalenga balafwaisha ukukutika ku mashiwi ya mu Baibolo. E co tubwelela libili libili ku kulanda na bantu.