Ifi e fyalandile umukashana uwa myaka 13, ilyo bamupeele akabwa. Umwanakashi uucita amakwebo alandile ukuti kompyuta iyo bawishi bamupeele ilyo aali mupepi no kupwisha isukulu yalimwafwile icine cine. Kabili umwaume uwaupile nomba line na o atile, kardi iyo umukashi amupangiile ilyo papitile umwaka umo ukutula apo baupanine, e ca bupe atemenwe sana pali fyonse.

Cila mwaka abengi balapoosa inshita iikalamba ukufwaya ifya bupe ifisuma ifyo bengapeela ifibusa nelyo balupwa pa nshiku shaibela. Kabili abengi kuti batemwa abo balepeela ifya bupe baumfwa kwati ni filya fyaumfwile abo tulandilepo pa ntendekelo ya cino cipande. Inga imwe? Bushe kuti mwatemwa ukulapeela abantu ifya bupe ifyo bengatemwa sana nelyo ukulapokelela ifya bupe ifyo mwingatemwa sana?

Ukupeelako bambi kusuma pantu kulalenga abo tulepeela e lyo na ifwe bene fwe balepeela ukuba sana ne nsansa. Baibolo itila: “Mwaba insansa ishingi mu kupeela ukucila ishaba mu kupokelela.” (Imilimo 20:35) Na kuba, tulatemwa sana nga ca kuti uo twapeela ica bupe atemwa sana ubupe tumupeele.

Nomba, kuti mwacita shani pa kuti imwe mwe balepeela e lyo na bo mulepeela muleba sana ne nsansa? Na kabili nga te kuti mupeele ica bupe icisuma sana, kuti mwacita shani pa kuti abo mulepeela baletemwa ica bupe mwabapeela