Tinikeni pa kuti muye ku filimo

Tinikeni pa kuti mumone imitwe iilimo

 IFYO FWE BENA KRISTU TULINGILE UKULAIKALA

Bushe Mwalitemwa Sana Icebo ca kwa Lesa?

Bushe Mwalitemwa Sana Icebo ca kwa Lesa?

Mu Baibolo mwaba amashiwi ya kwa Yehova Lesa, Umwine we buuku lyashila. (2 Pet. 1:20, 21) Baibolo ilanda sana pa cishinka ca kuti Lesa e walinga ukuteka ku muulu na pano isonde ukubomfya Ubufumu bwakwe. Ici cilalenga abantu baba ne subilo lya kuti ifintu fikawama ku ntanshi. Baibolo na kabili ilatwafwa ukwishiba imibele ya kwa Shifwe wa ku muulu, Yehova.—Amalu. 86:15.

Ifyalenga ifwe bonse tutemwe Icebo ca kwa Yehova fyalipusanapusana. Na lyo line, bushe tulabelenga Icebo ca kwa Lesa cila bushiku no kulacita ifyo tulebelenga pa kulanga ukuti tulatasha? Kanshi muli fyonse ifyo tucita natuleumfwa nge fyaleumfwa uwaimbile amalumbo uwatile: “Amafunde yenu naliyatemwa icine cine!”—Amalu. 119:97.

TAMBENI VIDIO ITILA BALICINDIKE BAIBOLO—VIDIO IYO BAIPIFYA (WILLIAM TYNDALE), LYENA ASUKENI AYA MEPUSHO:

  • Mulandu nshi William Tyndale apilibwilile amabuuku yamo aya mu Baibolo?

  • Mulandu nshi twingalandila ukuti William Tyndale alibombeshe pa kuti fye apilibule Baibolo?

  • Bushe amakope yamo aya Baibolo ya kwa Tyndale bayengishe shani mu England mu bumfisolo?

  • Bushe ifwe bonse kuti twalanga shani ukuti twalitemwa Icebo ca kwa Lesa?