Abafyashi abatemwa Lesa balafwaisha ukuti abana babo baba ababomfi ba cishinka aba kwa Yehova. Abafyashi kuti bacita ifi nga batendeka ukusambilisha abana babo ifya kwa Lesa ukufuma fye ku bunya. (Amala. 6:7; Amapi. 22:6) Pa kucita ifi bafwile ukuipeelesha sana. Lelo mwaliba amapaalo ayengi nga nshi.—3 Yoh. 4.

Abafyashi kuti basambilila ifingi kuli Yosefe na Maria. “Cila mwaka . . . baleya ku Yerusalemu ku mutebeto wa Ca Kucilila” nangu ca kuti ukucita ifi kwalefwaikwa ukuibikilishako sana no kupoosapo indalama. (Luka 2:41) Kanshi ifyo babikileko sana amano kulenga ulupwa lwabo ukuba ulwakosa mu fya kwa Lesa. Na muno nshiku mwine, abafyashi kuti bapashanya Yosefe na Maria nga balebombesha ukusambilisha abana babo ifya kwa Lesa ukupitila mu fyo bacita ne fyo balanda.—Amalu. 127:3-5.

TAMBENI VIDIO ITILA BALIBOMBESHE, LYENA ASUKENI AMEPUSHO YAKONKAPO:

  • Bushe ba Jon na ba Sharon Schiller babikile shani Ubufumu intanshi nangu ca kuti balikwete ulupwa balesakamana?

  • Mulandu nshi abafyashi balingile ukusambilishisha no kusalapwila abana ukulingana no kukabila kwa cila mwana?

  • Bushe abafyashi kuti bayafwa shani abana babo ukuipekanishisha ku mesho ayengesha icitetekelo cabo ku ntanshi?

  • Ni finshi ifyo icilonganino ca kwa Yehova cipekanya ifyo mwabomfya pa kwafwa abana benu ukuba ifibusa fya kwa Yehova?

Mulebika ifya kwa Lesa pa ntanshi mu lupwa lwenu