Tinikeni pa kuti muye ku filimo

Tinikeni pa kuti mumone imitwe iilimo

 IFYO FWE BENA KRISTU TULINGILE UKULAIKALA

Yehova Alacingilila Abantu Bakwe

Yehova Alacingilila Abantu Bakwe

Ica Kucilila ica kubalilapo cali icacindama icine cine. Bulya bwine bushiku ilyo Farao aishibe ukuti umwana wakwe ibeli nafwa, aebele Mose ati: “Imeni, fumeni mu bantu bandi, imwe na bana ba kwa Israele, kabili kabiyeni, kabombeleni Yehova, nga mulya mwine mwasoseele.” (Ukufu. 12:31) Yehova alilangile ukuti alacingilila abantu bakwe.

Nga twamona ificitikila abantu ba kwa Yehova muno nshiku, tulamona ukuti Yehova alitwalilila ukutungulula e lyo no kucingilila abantu bakwe. Ifi fine e fyo balanga mu cikuulwa basungila ifya kale mu ciputulwa citila “A People for Jehovah’s Name.”

TAMBENI VIDIO ITILA UKUTANDALA UKO BATAMBISHA IFINTU PA MAOFESHI YAKALAMBA KU CIFULO BETA UKUTI: “A PEOPLE FOR JEHOVAH’S NAME,” LYENA ASUKENI AMEPUSHO YAKONKAPO:

  • Finshi Abasambi ba Baibolo balebomfya ukutendekela mu mwaka wa 1914 ifyali no kwafwa abantu ukutetekela sana Baibolo? Bushe ifyo balebomfya fyalibombele fye bwino?

  • Mafya nshi Abasambi ba Baibolo bakwete mu mwaka wa 1916 na 1918, kabili finshi fyacitike ifyalangile ukuti Yehova aletungulula icilonganino cakwe?

  • Bushe abantu ba kwa Yehova batwalilila shani ukuba ne citetekelo nangu ca kuti balabacusha?

  • Cine nshi icipya ico abantu ba kwa Lesa baishileishiba mu 1935, kabili baumfwile shani?

  • Ilyo mwacilatamba iyi vidio finshi mwacimona ifyacilenga mucetekele sana ukuti Yehova alatungulula kabili alacingilila abantu bakwe?