Bushe muletontonkanya ukuti . . .

  • ni Lesa?

  • bantunse?

  • ni Satana?

 IFYO BAIBOLO ILANDA

“Umubifi e uteka cino calo.”—1 Yohane 5:19.

‘Umwana wa kwa Lesa aishile ku konaula imilimo ya kwa Satana Kaseebanya.’—1 Yohane 3:8, e fyo calembwa muli Baibolo ya New Century Version.

UMULANDU CAWAMINA UKWISHIBA UUTEKA ICALO CONSE

Kuti twaishiba ico muno calo mwafulila amafya.—Ukusokolola 12:12.

Kuti twacetekela ukuti ifintu tafyakabelelele ifi fine fyaba, lelo fikawama.—1 Yohane 2:17.

 BUSHE KUTI TWASUMINA IFYO BAIBOLO ILANDA?

Ee, pantu kwaliba ifintu fitatu ifingalenga ukuti tusumine:

  • Ukuteka kwa kwa Satana kwalapwa nomba line. Yehova takaleke Satana ukutwalilila ukuteka abantu. Alilaya ukuti “akonaula . . . Satana Kaseebanya” no kufumyapo ububi bonse ubo Satana aleeta.—AbaHebere 2:14, e fyo calembwa muli Baibolo Amalembo ya Calo Cipya.

  • Lesa alisala Yesu Kristu ukuteka icalo conse. Yesu alipusanako sana kuli kateka wa cino calo, umunkalwe kabili uwaitemwa. Ukulanda pa kuteka kwa kwa Yesu, Lesa atile: “Akomfwila ubulanda umulanda no mupiina. . . Akalubula imyeo yabo ukufuma ku ba mutitikisha na ku ba bunkalwe.”—Amalumbo 72:13, 14.

  • Lesa tabepa. Baibolo itila: ‘Lesa te kuti abepe.’ (AbaHebere 6:18) Yehova nga alaya ukucita icintu, ciba fye kwati no kufikilisha nafikilisha kale. (Esaya 55:10, 11) “Kateka wa pano calo bakamupoosa ku nse.”—Yohane 12:31.

 IFYO MULINGILE UKULATONTONKANYAPO

Bushe pano calo pakaba shani nga ca kuti kateka wa cino calo conse bamufumyapo?

Baibolo ilasuka ici cipusho pa AMALUMBO 37:10, 11 na pa UKUSOKOLOLA 21:3, 4.