Bushe ifintu mu calo . . .

  • fikatwalilila ukuba ifi fine fyaba?

  • fyakulabipilako fye?

  • fikawama?

 IFYO BAIBOLO ILANDA

“Lesa . . . akafuuta ifilamba fyonse ku menso yabo, ne mfwa tayakabeko na kabili, takwakabe no kuloosha nangu ukuteta nangu ukukalipwa na kabili. Ifya ntanshi nafiya.”—Ukusokolola 21:3, 4, ifyo calembwa muli Baibolo Amalembo ya Calo Cipya.

IFYO MUKANONKELAMO

 

Tamwakalelwala nelyo ukucula.—Esaya 25:8; 33:24.

Imwe no lupwa lwenu ne fibusa mukalaba aba nsansa ku ciyayaya.—Amalumbo 37:11, 29.

 BUSHE KUTI TWASUMINA IFYO BAIBOLO ILANDA?

Ee, pantu kwaliba ifintu fibili ifingalenga tusumine:

  • Lesa alikwata amaka ya kucita ifyo alaya. Mu Baibolo, ni Yehova Lesa fye e witwa ukuti “Uwa Maka Yonse,” pantu alikwatisha amaka. (Ukusokolola 15:3) Kanshi kuti afikilisha ubulayo bwakwe ubwa kulenga ifintu ukuwama pano calo. Baibolo itila, “Lesa kuti acita ifintu fyonse.”—Mateo 19:26.

  • Lesa alafwaisha ukufikilisha ifyo alaya. Ku ca kumwenako, Yehova ‘alafuluka’ ukubuusha abafwa.—Yobo 14:14, 15.

    Baibolo na kabili ilanda ukuti Yesu, Umwana wa kwa Lesa, aleundapa abalwele. Mulandu nshi alebondapila? Ni co alefwaya. (Marko 1:40, 41) Yesu alipashenye sana Wishi pantu na o alefwaya ukwafwa abaali na mafya.—Yohane 14:9.

    Kanshi te kuti tutwishike no kutwishika ukuti Yehova na Yesu balafwaisha ukuti tukekale bwino ku ntanshi.—Amalumbo 72:12-14; 145:16; 2 Petro 3:9.

 IFYO MULINGILE UKULATONTONKANYAPO

Bushe Lesa akalenga shani ifintu ukuwama pano calo?

Baibolo ilasuka ici cipusho pali MATEO 6:9, 10 na pali DANIELE 2:44.