Timote aali mulumendo uwatemenwe sana abantu kabili aleya ku fifulo fyalekanalekana ku kubafwa. Ukucita ifi kwalengele abe uwa nsansa. Bushe kuti watemwa ukwishiba ifyo cali?—

Banyina Timote na banakulu balemusambilisha pali Yehova

Timote akuliile mu musumba wa Lustra. Ilyo aali fye akaice, banakulu ba Loisi na banyina ba Yunike balemusambilisha pali Yehova. Ilyo alekula alefwaya ukusambilisha bambi pali Yehova.

Ilyo aali umulumendo, Paulo alimwipwishe ukuti aleya nankwe mu kushimikila ku fifulo fimbi. Timote alisumiine ukuya mu kwafwa bambi.

Timote aile na Paulo ku Makedonia mu musumba wa Tesalonika. Pa kuya ku  Tesalonika, balyendele sana na makasa e lyo banina ubwato. Ilyo bafikile, balisambilishe abantu abengi pali Yehova. Lelo bamo balifulilwe kabili balefwaya ukubasansa. E ico Paulo na Timote baile mu kushimikila ku fifulo fimbi.

Timote ali ne nsansa

Ilyo papitile imyeshi, Paulo aebele Timote ukubwelelamo ku Tesalonika mu kumona ifyo aba bwananyina baali. Timote alingile ukushipa pa kubwelela kuli ulya musumba pantu mwali abantu ababipa sana. Lelo, aliile pantu alefwaisha ukwishiba ifyo aba bwananyina balebomba. Ilyo abwelele, aebele Paulo ilyashi ilisuma. Aba bwananyina mu Tesalonika balebomba fye bwino.

Timote alibombele na Paulo pa myaka iingi. Paulo alilandilepo ukuti Timote aali muntu umusuma uo aali no kutuma mu kubombela ifilonganino. Timote alitemenwe Yehova na bantu.

Bushe walitemwa abantu kabili ulafwaya ukubasambilisha pali Yehova?— Nga walitemwa abantu, ukaba ne nsansa nga filya Timote aali.