UKUKUMANA KWAIBELA

ISUKULU LYA BAKABILA BA MBILA NSUMA IYA BUFUMU Bapainiya abali ne myaka pa kati ka 23 na 65 abalefwaya ukulabomba sana umulimo wa kushimikila, kuti bayasangwa ku kukumana kwa balefwaya ukuya kwi Sukulu lya Bakabila ba Mbila Nsuma iya Bufumu ukukabako pa bushiku bwalenga shitatu. Bakabilisha inshita ne cifulo ca kukumaninako.

 IFYEBO FYA BALESANGWAKO

APA KWIKALA Twapaapaata mulelangulukilako abanenu. Muleibukisha ukuti abo mufwile fye ukusungila ifipuna, bantu mwendele nabo mu motoka, nelyo abo mwikala nabo ing’anda imo, nangu abo musambilila nabo Baibolo. Twapaapaata mwilabika ifipe pa fipuna ifyo mushileikalapo.

BAKAPYUNGA Umulimo uo bakapyunga bapeelwa wa kumwafwilisha. Mukwai mulebomfwila nga bamulanga ukwa kwimika imyotoka, apa kwikala, ukwa kwingilila no kufumina, no kumweba pa fya kusungila bambi ifipuna na pa fintu fimbi.

FIRST AID Ibukisheni ukuti iyi dipartimenti yabelako ukundapa ABAICENA NANGU ABALWALILA PA KULONGANA PENE.

IFYALUBA NO KWA KUFISANGA Mulingile ukutwala ifipe fyonse ifyo mwatoola ku Dipartimenti ya Fileluba. Nga namulufya icintu, kabiyeni kuli iyi dipartimenti, no kuyamona nga e ko cili. Abana abaluba ukuli abafyashi babo balingile ukubatwala kuli iyi dipartimenti. Lelo, tuleibukisha ukuti iyi dipartimenti te ya kusungilako abana. Twapaapaata mulebika amano ku bana benu no kulaba nabo lyonse.

IMISANGULO Pa kuti ukulongana kutwafwe ukupalama kuli Yehova na pa kuti tulongane bwino, indalama ishingi shilabomfiwa ku kuteyanya apa kulonganina, ifisoselo, ifya kubomfya pa kutamba amavidio na fimbi ififwaikwa. Imisangulo yenu iya kuitemenwa ilabomfiwa kuli ifi ififwaikwa no kwafwilisha umulimo wa mwi sonde lyonse. Pa kuti cimwangukile ukusangwilako, utubokoshi twa misangulo utwalembwapo bwino natubikwa mu cifulo ca kulonganinapo conse. Tulatasha nga nshi pa misangulo yonse, kabili Ibumba Litungulula lilemutasha pa fyo musangwilako ku kwafwilisha umulimo wa Bufumu.

ULUBATISHO Abaleya ku kubatishiwa balingile ukwikala mu fipuna ifyo bakabasungila ku ntanshi mupepi ne cisebele ilyo ilyashi lya lubatisho lishilatendeka, pa bushiku bwalenga shibili ulucelo. Bonse abaleya mu kubatishiwa balingile ukwisa ne taulo ne fya kufwala pa kubatishiwa ifya mucinshi.

UMULIMO WA KUITEMENWA Nga mulefwaya ukubombako umulimo pa kulongana, mukwai kuti mwaya kuli iyi dipartimenti pa kuti bamweba uko mwingafwilisha.

Abapekanya kuno kulongana Libumba Litungulula Ilya Nte sha kwa Yehova