Mwilacita ifyabipa. 1 Abena Korinti 6:9, 10

Nga twalitemwa Yehova, tatwakalecita ifyo apata.

Yehova afwaya ukuti twilaiba, twilakolwa, nelyo ukubomfya imiti iikola.

Lesa alipata ukwipaya, ukuponya amafumo, kabili tafwaya abaume ukulaala na baume banabo nelyo abanakashi na banakashi banabo. Tafwaya ukuti tuleba abafunushi nelyo ukulalwa na banensu.

Tatufwile ukulapepa utulubi nelyo ukulaumfwana ne fibanda.

Ilyo icalo conse cikaba paradaise, takwakabe abantu abakalacita ifyabipa.

 Mulecita ifisuma. Mateo 7:12

Pa kuti Lesa atutemwe, tufwile ukulamupashanya.

Langeni ukuti mwalitemwa abantu pa kuba ne cikuuku kuli bena e lyo na bukapekape.

Beni aba cishinka muli fyonse.

Muleba no luse kabili mule-elela.

Mule-ebako abantu pali Yehova ne fyo afwaya.—Esaya 43:10.