Baibolo yabalilapo ukulanda pa fintu ifisuma ifyo Yehova abumba mu muulu na pano calo. Nga muli bafyashi afweni umwana wenu eshibe ifintu ifingi ifyo Lesa abumba. Musambilisheni pa kuti eshibe ukuti ifyo Lesa abumba abantu fyalipusana sana ne fyo abumba inama. Abantu balalanda, balatontonkanya, balapanga ifintu, balemba inyimbo kabili balapepa lelo inama tashicita ifi fyonse. Ishibeni ukuti Yehova alikwata amaka, amano, kabili alitemwa fyonse ifyo apanga ukubikako fye na ifwe bene.