ILI lyashi ilisuma nga nshi, lilelanda pa Bena Kristu abaicefya kabili abali abashipa ilyo kwali ifimfulunganya mu mitekele ya calo, ne fimfulunganya mu mipepele, na lintu bashimapepo balengele ukuti aba mu buteko babinde umulimo wa kubila imbila nsuma pa myaka 25. Mwalaumfwa ne lyashi lya kwa munyinefwe uo akabungwe ka bakomyunisti kabikile pa mutande wa bantu abo bali no kwipaya, na pali munyinefwe uwali kapitao we bumba lya bampulamafunde lelo uwaishileba umwina Kristu umwine mwine. Mwalabelenga ilyashi ilisuma na limbi pa bakashana babili bankomamatwi abaishileba ifibusa, kabili mu kupita kwa nshita basangile ukuti kanshi ni bamunyina fye inda imo. Kabili mwalamona ne fyo abantu ba kwa Yehova balebomba bwino umulimo wa kubila imbila nsuma mu calo umwaba sana abaShilamu ukucila ifyalo fyonse.