Ukusokolola 7:1-17

7  Pa numa ya ifi namwene bamalaika+ bane nabeminina pa makoona yane aye sonde, nabekatilila imyela+ ine iye sonde, pa kuti umwela wipuupila pe sonde nelyo pali bemba nelyo pa fimuti fyonse.+  Kabili namwene malaika umbi alefuma ku kabanga,+ ali ne ca kufwatikilako ica kwa Lesa wa mweo;+ kabili abilikishe ishiwi ilikalamba kuli bamalaika bane abaebelwe ukonaula isonde na bemba,  ati: “Mwitala konaula isonde nelyo bemba nelyo ifimuti, mpaka tufwatike icishibilo+ pa mpumi+ sha basha ba kwa Lesa wesu.”  Kabili naumfwile impendwa ya bafwatikwepo icishibilo, ukuti bali amakana umwanda umo na makana amakumi yane na makana yane (144,000),+ ukufuma mu mukowa+ onse uwa bana ba kwa Israele:+  Abafwatikwe mu mukowa wa kwa Yuda+ baali amakana ikumi na yabili (12,000);mu mukowa wa kwa Rubene+ baali amakana ikumi na yabili;mu mukowa wa kwa Gadi+ baali amakana ikumi na yabili;  mu mukowa wa kwa Ashere+ baali amakana ikumi na yabili;mu mukowa wa kwa Naftali+ baali amakana ikumi na yabili;mu mukowa wa kwa Manase+ baali amakana ikumi na yabili;  mu mukowa wa kwa Simeone+ baali amakana ikumi na yabili;mu mukowa wa kwa Lebi+ baali amakana ikumi na yabili;mu mukowa wa kwa Isakari+ baali amakana ikumi na yabili;  mu mukowa wa kwa Sebuluni+ baali amakana ikumi na yabili;mu mukowa wa kwa Yosefe+ baali amakana ikumi na yabili;mu mukowa wa kwa Benjamini+ abafwatikwe+ baali amakana ikumi na yabili.  Pa numa ya ifi naliloleshe, kabili, moneni! kwali ibumba ilikalamba,+ ilyo umuntu nangu umo ashingapenda, abafumine mu nko+ shonse ne mitundu na bantu na bantu+ ne ndimi,+ nabeminina pa ntanshi ya cipuna ca bufumu+ na pa ntanshi ya Mwana wa mpaanga, nabafwala amalaya ayabuuta;+ kabili bali ne misambo ya tuncindu+ mu minwe yabo. 10  Kabili balebilikisha ishiwi ilikalamba, abati: “Ipusukilo lyesu lyafuma kuli Lesa+ wesu, uwaikala pa cipuna ca bufumu,+ na ku Mwana wa mpaanga.”+ 11  Kabili bamalaika+ bonse baiminine ukushinguluka icipuna ca bufumu na bakalamba+ ne fya mweo+ fine, e lyo bakupeme pa ntanshi ya cipuna ca bufumu no kupepa Lesa,+ 12  abati: “Ameni! Ipaalo no bukata na mano no kutootela no mucinshi na maka+ no bukose fibe kuli Lesa wesu pe na pe. Ameni.”+ 13  Kabili umo uwa mu bakalamba+ anjipwishe, ati: “Nga aba abafwele amalaya+ yabuuta ni bani kabili bafumine kwi?” 14  E lyo na ine namwaswike nati: “Mwe shikulu, ni mwe mwishibe.” Na o anjebele ati: “Aba e bafuma mu bucushi bukalamba,+ kabili balicapa amalaya yabo no kuyabuutusha+ mu mulopa+ wa mwana wa mpaanga. 15  E mulandu wine babelele pa ntanshi+ ya cipuna ca bufumu ica kwa Lesa; kabili balemubombela+ akasuba no bushiku mwi tempele lyakwe; no Waikala pa cipuna ca bufumu+ akafungulwila itenti+ lyakwe pali bena. 16  Tabakomfwe insala na kabili nangu ukumfwa icilaka na kabili, na kasuba takakaboce nangu cikabilila,+ 17  pantu Umwana wa mpaanga,+ uuli pa kati ka cipuna ca bufumu, akabacema,+ kabili akabatungulula ku tumfukumfuku twa menshi+ ya mweo. Kabili Lesa akafuuta ifilamba fyonse ku menso yabo.”+

Amafutunoti