Ukufuma 15:1-27
15 Pali ilya ine nshita Mose na bana ba kwa Israele baimbiile Yehova ulu lwimbo no kutila:+“Kanyimbile Yehova, pantu nacindikwa.+Kabalwe no waninapo abapoosa muli bemba.+
2 Amaka yandi no kukosa kwandi ni Jah,+ pantu e wampususha.+Uyu e Lesa wandi, na ine nkamulumbanya;+ e Lesa wa kwa tata,+ kabili nkasabankanya ululumbi lwakwe.+
3 Yehova ni mpalume ku bulwi.+ Yehova e shina lyakwe.+
4 Apoosa muli bemba amaceleta ya kwa Farao na mabumba ya bashilika bakwe,+Na bashilika bakwe abacenjela nga nshi baibila muli Bemba Wakashika.+
5 Amenshi ayashika yabafimba,+ baibila mu menshi ayengi kwati libwe.+
6 Ukuboko kwenu ukwa ku kulyo, mwe Yehova, kwa maka nga nshi,+Ukuboko kwenu ukwa ku kulyo, mwe Yehova, kuti kwafwantaula umulwani.+
7 Kabili ku maka yenu ayengi kuti mwawisha abamwimina;+Mutuma ubukali bwenu ubupya ngo mulilo, na bo buboca nge mpimbili.+
8 Kabili ku mupu wa mu myona+ yenu amenshi yacituntumikwa ngo mwina;yaciminina nga ya mu cishiba;Amenshi yacikosa mu kati ka bemba.
9 Umulwani acitila, ‘Ndebakonka!+ Ndebasanga!+Ndeakanya ifyo nalapokolola+ mpaka ng’umfwe bwino!Ndesomona ulupanga lwandi! Ukuboko kwandi kwalabalofya!’+
10 Ilyo mwacipuuta umupu wenu,+ bemba acibafimba;+Baciibila ngo mutofwe mu menshi ayengi.+
11 Ni lesa nshi pali balesa uwaba nga imwe, mwe Yehova?+Nani uwaba nga imwe, mwe ba mushilo nga nshi?+Mwe balinga ukutiina+ no kulumbanya,+ mwe bacita ifipesha amano.+
12 Mwatambulula ukuboko kwenu ukwa ku kulyo,+ isonde lyabamina.+
13 Ku cikuuku cenu mwatungulula abantu abo mwalubula;+Mukabatwala ku bwikalo bwenu ubwa mushilo ukubomfya amaka yenu.+
14 Abantu na bantu bakomfwa,+ bakatutuma;+Abekashi ba ku Pelishiti bakalipwa nga nshi.+
15 Pali iyo nshita ishamfumu sha Edomu shikasakamana;Kumfwa bakateka ba ku Moabu, bakatutuma.+Abekashi bonse aba mu Kanaani bakafuupuka.+
16 Bakekatwa umwenso kabili bakatiina.+Pa mulandu wa bukulu bwa kuboko kwenu bakaba shilili nge libwe,Mpaka abantu benu+ bakapite, mwe Yehova,Mpaka bakapite+ abantu abo mwapangile.+
17 Mukabaleta no kubalimba pa lupili lwenu,+Pa cifulo ca muyayaya ico mwaiteyanishisha ukwikalamo,+ mwe Yehova,Apa mushilo,+ mwe Yehova, apo mwashimpile ku minwe yenu.
18 Yehova akaba imfumu umuyayaya, umuyayaya.+
19 Ilyo bakabalwe ba kwa Farao+ na maceleta yakwe aya nkondo fyacingila muli bemba,+E lyo Yehova acibwesha amenshi ya muli bemba pali bena,+Uku ninshi abana ba kwa Israele bale-enda pa mushili uwauma mu kati ka bemba.”+
20 Kabili Miriamu kasesema mwanakashi, nkashi ya kwa Aarone,+ aikete akaoma ka nyenjele mu minwe yakwe;+ na banakashi bonse balifumine balamukonka bali no tuoma twa nyenjele uku ninshi balecinda.+
21 Kabili Miriamu aleyankula ku baume ati:+
“Imbileni Yehova,+ pantu nacindikwa.+Kabalwe no waninapo abapoosa muli bemba.”+
22 Pa numa Mose alengele Israele ukufuma kuli Bemba Wakashika kabili baile mu matololo ya Shuri+ no kwenda inshiku shitatu mu mpanga, lelo tabasangile amenshi.+
23 Awe basukile bafika ku Mara,+ lelo balifililwe ukunwa amenshi ya mu Mara pantu yali ayalula. E co akwinikile ati Mara.+
24 Kabili abantu batendeke ukuilishanya kuli Mose,+ abati: “Tulenwa nshi?”
25 E lyo Mose aliliile kuli Yehova.+ Na o Yehova amutungulwile ku kamuti, na o akapoosele mu menshi na menshi yasangwike ayasuma.+
Palya e po abebeele ifunde ne nshila ya kupingwilamo kabili e po abeseshe.+
26 Kabili akonkenyepo ukusosa ati: “Nga ca kutila ukumfwa mwakulaumfwa kwi shiwi lya kwa Yehova Lesa wenu kabili nga mwakulacita ne cisuma mu menso yakwe kabili mwakulaumfwa ku mafunde yakwe no kukonka ifipope fyakwe fyonse,+ nshakamuletele ubulwele ubuli bonse ubo naletele pa bena Egupti;+ pantu nine Yehova uulemucingilila.”+
27 Pa numa baile ku Elimu, ukwali utumfukumfuku twa menshi ikumi na tubili (12) no tuncindu amakumi cinelubali (70).+ Awe bapangile inkambi kulya mupepi na menshi.
