Tinikeni pa kuti muye ku filimo

Inga ca Kuti Natalalilwa?

Inga ca Kuti Natalalilwa?

Ifyo wingacita

1. Uletontonkanya pa fyo wacenjelamo. (2 Abena Korinti 11:6) Nangu ca kutila cilaba fye bwino ukwishiba umo ushicita bwino, cisuma no kwishiba ifisuma ifyo ucita bwino. Nga waishiba ifyo teti uleisula kabili te kuti uletalalilwa. Uleyipusha ati, ‘Ni mwi umo ncita bwino?’ Tontonkanya pali fimo fimo ifyo wacenjelamo na pa mibele iisuma iyo wakwata.

2. Uletemwa abantu. Kuti wabalilapo ukwishibana fye no muntu umo. Jorge, uwacaice atile: “Ukuposha umuntu nangu ukumwipusha fye ifyo acibomba kuti kwalenga mwatendeka ukwishibana.”

Kuti wapwisha ubwafya ubulenga ukuti abanobe balekutaluka

Ifyo wingacita: Wilalanda fye na baice banobe. Abantu bamo abaali ifibusa sana abalembwa mu Baibolo, baali bantu abapusene sana imishinku, nga filya cali kuli Ruti na Naomi, Davidi na Yonatani, e lyo na Timote na Paulo. (Ruti 1:16, 17; 1 Samwele 18:1; 1 Abena Korinti 4:17) Uleibukisha no kuti pa kulanshanya bonse babili mufwile ukulalanda, te muntu fye umo. Abantu balomfwa bwino ukuba na bakutika. E ico nga uli wa nsoni, uleibukisha ukuti te iwe wakulalanda fye weka!

3. “Ulelangulukilako” abanobe. (1 Petro 3:8) Nangu fye tautemenwe ifyo umunobe aletontonkanya, muleke atale apwishe ukulanda. Ilyo alelanda, ulebika amano ku fyo utemenwemo mu fyo alelanda. Pa kulanda pa fyo ushitemenwe, ulingile ukusala amashiwi ya kubomfya pa kuti taumukalifye.

Ifyo wingacita: Ulelanda ku bantu nge fyo wingatemwa umuntu ukulanda kuli iwe. Ukutaalikana na bantu na pashilingile, ukubatumfya, ukubasaalula, no kulacita kwati e balufyanya fye iwe taulufyanya, kuti kwalenga bakutaluka. Abantu kuti bakutemwa sana nga ca kuti ‘imilandile yobe iisuma.’—Abena Kolose 4:6.