Tinikeni pa kuti muye ku filimo

Inga nga ca Kuti Ndafilwa Ukuleka Ukutamba Ifye Shiku?

Inga nga ca Kuti Ndafilwa Ukuleka Ukutamba Ifye Shiku?

Ifyo wingacita

Ufwile ukwishiba ukuti ifye shiku fibi. Ifye shiku filenga abantu balesaaluula ifya mucinshi ifyo Yehova apanga. Nga waishiba ububi bwaba mu kutamba ifye shiku, ‘ukapata ifyabipa.’—Amalumbo 97:10.

Tontonkanya pa fingacitika. Ifye shiku filaseebanya abaficita e lyo na bafitamba. E co Baibolo ilandila ukuti: “Uwasalapuka nga amona ububi alabelama.”—Amapinda 22:3.

Ifyo ulingile ukucita. Umuntu wa cishinka Yobo atile: “Nalipanga mu mutima ukuti nshakatale ndolesha umukashana no kumukumbwa.” (Yobo 31:1, Today’s English Version) Fimo ifyo wingapanga mu mutima ni fi:

  • Nshakatale nja pa Intaneti nga ndi neka.

  • Pa Intaneti nga paisa ifikope ifibi, nkalashimya ilyo line fye.

  • Nga nabwekeshapo ukutamba ifye shiku, nkebako umunandi uwa mano.

Nga ulatamba libili libili e lyo cafya na sana ukuleka

Pepa pa bwafya ukwete. Kemba wa malumbo apepele kuli Yehova Lesa ati: “Lengeni amenso yandi ukukanalolesha ifya fye.” (Amalumbo 119:37) Lesa afwaya waleka ukutamba ifye shiku kabili nga wamulombakuti akupeela amaka ya kucita icalungama!—Abena Filipi 4:13.

Ebako bamo. Ukwebako uo wacetekela sana kuti kwalenga waleka ukutamba ifye shiku.—Amapinda 17:17.

Ibukisha ukuti: Lyonse ilyo wakaana ukutamba ifye shiku, ninshi naucimfya. Uletasha Yehova Lesa pa kukupeela amaka ya kucimfya. Uleibukisha ukuti nga tauletambako ifye shiku, Yehova akasekelela!—Amapinda 27:11.