An simbag kan Bibliya

 Dapat kitang mamibi sa Diyos sa ngaran ni Jesus dahil ini sana an paaging inuuyunan nin Diyos para makadulok kita sa Saiya. Sinabi ni Jesus: “Ako an dalan asin an katotoohan asin an buhay. Mayo nin makakadulok sa Ama kun bakong paagi sa sako.” (Juan 14:6) Sinabi man ni Jesus sa saiyang maimbod na mga apostol: “Sinisigurado ko nanggad sa saindo, kun maghagad kamo nin ano man sa Ama, itatao niya iyan sa saindo sa ngaran ko.”—Juan 16:23.

Dugang pang mga dahilan na mamibi sa ngaran ni Jesus

•   Pagtao ini nin onra ki Jesus asin sa saiyang Ama, an Diyos na Jehova.—Filipos 2:9-11.

•   Ipinapahiling kaini na pinapahalagahan ta an kagadanan ni Jesus—an paaging itinao nin Diyos para maligtas kita.—Mateo 20:28; Gibo 4:12.

•   Pagmidbid ini sa daing kaagid na papel ni Jesus bilang an Tagapangultanan nin Diyos asin nin mga tawo.—Hebreo 7:25.

•   Paggalang ini sa paglilingkod ni Jesus bilang an Halangkaw na Saserdote na makakatabang sa sato na magkaigwa nin marahay na kamugtakan sa atubangan nin Diyos.—Hebreo 4:14-16.