PAGKADISPLEY
Text
Ritrato

(Talinhaga 2:1)

  1. 1. Igwang libro na an dara sa tawo

    Katuninungan asin paglaom.

    Kayang-kaya kita ka’ning matawan

    Nin buhay asin ilaw sa diklom.

    ’Yan an Bibliya na sadiri nin Diyos.

    Pinasabngan an mga kagsurat.

    Tunay nindang namutan si Jehova;

    Espiritu niya an giya ninda.

  2. 2. An paglalang nin Diyos digdi ’sinurat,

    An paghaman ka’ning uniberso.

    Sinabi man tawo ka’dto perpekto

    Pero naiwara Paraiso.

    An sabi pa may anghel na nag-angat

    Sa soberaniya ni Jehova Diyos.

    Kasalan, pagmundo an ibinunga.

    Pero hahalion Niya ’yan gabos.

  3.  3. Panahon na para maggaya-gaya

    Ta naghahadi na Aki ni Jah.

    Ihulit an saiyang Kahadian

    Pati itataong bendisyon niya.

    Gabos ’yan sa Bibliya mababasa;

    Garo bangkete para sa sato.

    Iyan Buhay na Kayamanan niyato;

    Basahon ’yan asin isapuso.

(Hilingon man an 2 Tim. 3:16; 2 Ped. 1:21.)