1 LINALANG KITA NIN DIYOS NA MAY KATUYUHAN

“Magigin sadiri kan mga matanos an daga, asin maistar sinda diyan sagkod lamang.”—Salmo 37:29, NW

Ano an katuyuhan nin Diyos para sa mga tawo?

  • Genesis 1:28

    Gusto nin Diyos na gibuhon kan mga tawo na paraiso an daga asin atamanon an mga hayop.

  • Isaias 46:9-11; 55:11

    Uutubon nin Diyos an saiyang katuyuhan, asin mayong makakapugol sa saiya.

2 KUN TAANO TA MASAKITON AN BUHAY

“An bilog na kinaban nasa kapangyarihan kan saro na maraot.”—1 Juan 5:19, NW

Siisay an namamahala sa kinaban?

  • Juan 12:31

    Inapod ni Jesus si Satanas na tagapamahala kan kinaban.

  • Santiago 1:13-15

    Minawot ni Satanas an sarong bagay na bako man saiya.

  • Genesis 2:17; 3:1-6

    Dinaya ni Satanas si Eva, nagsuway sa Diyos si Adan asin Eva, asin nag-abot an panahon nagadan si Adan asin Eva.

  • Roma 3:23; 5:12

    Nagagadan kita huling nagmana kita nin kasalan ki Adan.

  • 2 Corinto 4:3, 4

    Dinadaya ni Satanas an mga tawo.

3 AN KAHADIAN NIN DIYOS AN SOLUSYON SA PROBLEMA

“Dumatong lugod an Kahadian mo. Mangyari lugod an buot mo . . . sa daga.”—Mateo 6:10, NW

Ano an gigibuhon ni Jehova?

  • Daniel 2:44

    An gobyerno nin Diyos an maribay sa gabos na gobyerno sa kinaban.

  • Kapahayagan 16:14-16

    Lalaglagon nin Diyos sa Armagedon an maraot na kinaban na ini.

  • Isaias 9:6, 7

    Pinili ni Jehova si Jesus na magin Hadi kan langitnon na gobyerno Niya. Pamamahalaan ni Jesus an daga.

4 GIGIBUHON KAN KAHADIAN NIN DIYOS NA PARAISO AN DAGA

‘Binibiklad mo an saimong kamot asin pinapano mo nin karahayan an gabos na nabubuhay.’—Salmo 145:16

Ano an gigibuhon kan Kahadian nin Diyos para sa sato?

  • Salmo 46:9

    Mawawara na an giyera, krimen, asin kadahasan.

  • Isaias 32:18; 65:21-24

    Sa bagong kinaban, an gabos magkakaigwa nin magayon na harong asin hardin saka mamumuhay nin matuninong.

  • Salmo 72:16

    Magkakaigwa nin abundang pagkakan.

  • Isaias 11:6-9

    Magkakaigwa nin matuninong na relasyon an mga tawo asin mga hayop.

  • Isaias 33:24; Gibo 24:15, NW

    Mayo nang may hilang, asin an mga gadan mabubuhay giraray.