Padagos na nagtatao nin ayuda an mga Saksi ni Jehova sa saindang mga miyembro asin sa iba pang naapektaran nin mga pagbaha sa Democratic Republic of the Congo na nandistroso sa banwaan nin Boma, mga 470 kilometros sa timog-sulnupan nin Kinshasa, kan semana nin Disyembre 26.

May 39 pamilyang Saksi an naapektaran kan baha, kaiba an sarong Saksi na nagadan dahil kan kalamidad. Limang harong man kan mga Saksi an biyong nagaba, asin lima pang harong an naraot.

Nagpadara nin mga kakanon asin mga bado an sangang opisina kan Mga Saksi ni Jehova sa Congo para sa mga naapektaran na Saksi na nasa sulnupan na parte kan nasyon. An mga Saksi sa siyudad nin Matadi asin Muanda, mga 80 kilometros an rayo sa Boma, nagboluntaryo man tanganing tabangan an saindang mga kapagtubod.

An Namamahalang Grupo kan Mga Saksi ni Jehova, na nasa world headquarters ninda sa Warwick, New York, iyo an nag-oorganisar sa pagtao nin ayuda sa Congo gamit an mga pondong idinonar sa pambilog na kinaban na gibuhon nin pagmiministeryo kan mga Saksi.

Media Contacts:

International: David A. Semonian, Office of Public Information, +1-845-524-3000

Democratic Republic of the Congo: Robert Elongo, +243-81-555-1000