Sinabi ni Jesus sa mga parasunod niya na ‘gumibo nin mga disipulo sa mga tawo kan gabos na nasyon.’ (Mateo 28:19, 20) Kan isugo niya an inot niyang mga disipulo, sinabi ni Jesus na dumanan an harong kan mga tawo. (Mateo 10:7, 11-13) Pagkagadan ni Jesus, nagpadagos an mga Kristiyano kan inot na siglo sa pagpalakop kan mensahe ‘sa publiko asin sa harong-harong.’ (Gibo 5:42; 20:20) Inaarog mi an halimbawa kan inot na mga Kristiyanong idto asin nahiling mi na epektibo an ministeryong pagharong-harong para makaulay an mga tawo.