Dumiretso sa laog

Dumiretso sa mga laog

 PAMUMUHAY BILANG KRISTIYANO

Kun Paano Makakatao nin Mahusay na Komento

Kun Paano Makakatao nin Mahusay na Komento

Nakakapakusog sa kongregasyon an mahusay na mga komento. (Ro 14:19) Nakikinabang man diyan pati an nagkokomento. (Tal 15:23, 28) Kaya, hinguwahon niyato na makapagkomento nin maski sarong beses sa kada pagtiripon. Siyempre, dai man kita maaapod kada magtaas kita nin kamot. Kaya mas magayon kun dakul an ihahanda tang komento.

An mahusay na komento . . .

  • simple, malinaw, asin halipot sana. Sa parati, 30 segundo sana iyan o mas halipot pa

  • mas magayon kun sinasabi sa sadiring tataramon

  • bakong pag-utro kan naikomento na kan iba, kun dai man kaipuhan

Kun ika an inot na inapod, . . .

  • magtao nin simple, direktang simbag sa hapot

Kun nasimbag na an hapot, puwede mong . . .

  • komentuhan kun paano konektado an sitadong mga teksto sa pinag-uulayan

  • sabihon kun paano kita makikinabang sa pinag-uulayan

  • ipaliwanag kun paano iaaplikar an impormasyon

  • sambiton an sarong halipot na eksperyensiya na nagduduon kan panginot na punto