Kɔ i nun ndɛ'n su trele

?Junman benin yɛ e Anuannzɛ’n i Ɲrun Dinfuɛ’m be di-ɔ?

?Junman benin yɛ e Anuannzɛ’n i Ɲrun Dinfuɛ’m be di-ɔ?

 Zoova i Lalofuɛ’m be Anuannzɛ’n i Ɲrun Dinfuɛ’m be ti Klisifuɛ akpasua kaan kun mɔ be ɲin w’a ti Ɲanmiɛn sulɛ’n nun-ɔn. Be yɛ be kle Zoova i Lalofuɛ mɔ be o asiɛ wunmuan’n su’n be atin-ɔn. Junman nga be di’n ti fa nɲɔn:

  •   Be nian ninnge kwlaa nga Zoova i Lalofuɛ’m be mian be wun naan b’a kwla su Ɲanmiɛn kpa’n be yilɛ’n nin be siesielɛ’n su. Be wie yɛle fluwa mun, aɲia mun nin suklu mun. Ninnge kwlaa sɔ’m be nun ndɛ’n taka Biblu’n su.—Liki 12:42.

  •   Be yɛ be siesie jasin fɛ bolɛ junman kwlaa nga Zoova i Lalofuɛ’m be di i asiɛ wunmuan’n su’n niɔn. Asa’n, be kle like ng’ɔ fata kɛ be fa sran’m be sa ti like nga be man’n be yo’n.

 Klisifuɛ klikli’m be blɛ su’n ‘akoto mun, nin kpɛnngbɛn mɔ be o Zerizalɛmun lɔ’n’ be yɛ be kle Klisifuɛ’m be kwlaa be atin-ɔn. Be ajalɛ’n su yɛ e Anuannzɛ’n i Ɲrun Dinfuɛ’m be nian-ɔn. (Sa Nga Be Yoli’n 15:2) Akoto mun nin kpɛnngbɛn’m b’a yoman Klisifuɛ klikli’m be su kpɛn. I wafa kunngba’n, e Anuannzɛ’n i Ɲrun Dinfuɛ’m be timan e su kpɛn. Biblu’n yɛ ɔ kle be atin-ɔn. Yɛ be wun i wlɛ weiin kɛ Zezi Klisi yɛ Ɲanmiɛn Zoova sieli i asɔnun’n i su Kpɛn-ɔn.—1 Korɛntifuɛ Mun 11:3; Efɛzifuɛ Mun 5:23.

?Wan mun yɛ be ti e Anuannzɛ i Ɲrun Dinfuɛ mun-ɔn?

 Be yɛle Kenɛti Kuku, Geji Fligɛli, Samiɛli Ɛdi, Jofre Jakisɔnun, Sitefɛnin Lɛti, Geriti Lɔsu, Marki Sandɛɛsɔnun, Davidi Siplenin, ɔ nin Jefre Windɛɛ. Be di junman e anuannzɛ’n i bo bia m’ɔ o Wɔɔwiki lɔ’n su. Klɔ sɔ’n wo Etazinin lɔ asa nga be flɛ i kɛ Niyɔki’n su.

?Wafa sɛ yɛ e Anuannzɛ’n i Ɲrun Dinfuɛ’m be siesieli be junman’n niɔn?

 E Anuannzɛ’n i Ɲrun Dinfuɛ’m be le komite nsiɛn. Komite sɔ’m be nian junman fanunfanun nga e di be’n be su. E Anuannzɛ’n i Ɲrun Dinfuɛ kun kwla di junman komite kun annzɛ komite kaka nun.

  •   Aniaan nga be nian junman’m be su’n be Komite’n: Kɛ awa i mmla’n i su ndɛ wie tɔ’n, annzɛ kɛ sanvuɛsa’m be tɔ’n, annzɛ kɛ be kle Zoova i Lalofuɛ’m be yalɛ’n, annzɛ sɛ sa uflɛ wie m’ɔ kle Zoova i Lalofuɛ’m be yalɛ’n mɛn wunmuan’n nun’n be ju’n, be yɛ be fa ajalɛ-ɔ.

  •   Komite ng’ɔ nian Betɛlifuɛ’m be su’n: Komite sɔ’n nian Zoova i Lalofuɛ nga be di junman be Betɛli’m be nun’n be lika.

  •   Komite ng’ɔ nian anuannzɛ’n i ninnge’m be su’n: I yɛ ɔ yo maan be yi e fluwa mun, kpɛkun be fa kɔ likalika’m be nun-ɔn. Yɛ ɔ nian Betɛli’m be kplanlɛ nin aɲia yowlɛ mun ɔ nin fluwa kaciwlɛ’m be kplanlɛ junman’n su.

  •   Komite ng’ɔ nian jasin fɛ bolɛ junman’n su’n: Ɔ nian “Ɲanmiɛn Sielɛ’n i jasin fɛ” bolɛ junman’n su.—Matie 24:14.

  •   Komite ng’ɔ nian like klelɛ junman’n su’n: I yɛ ɔ siesie ndɛ nga be yiyi be nun aɲia nin anuannzɛ’n i suklu’m be bo’n niɔn. Asa’n, i yɛ ɔ siesie video mun nin ndɛ nga be bo be tie’n niɔn.

  •   Komite ng’ɔ nian fluwa klɛlɛ junman’n su’n: I yɛ ɔ nian fluwa’m be yilɛ nin ndɛ nga e fa sie i e ɛntɛnɛti adrɛsi su’n be junman’n su-ɔ. Asa’n ɔ nian fluwa kacilɛ junman’n be su wie.

 Kannzɛ e Anuannzɛ’n i Ɲrun Dinfuɛ’m be di junman komite sɔ’m be nun’n, sanngɛ lemɔcuɛ kwlakwla nun’n be yia be kan ninnge nga anuannzɛ’n mian be wun’n be ndɛ. Aɲia sɔ’m be bo’n be fa be ɲin be sie i ndɛ nga Ɲanmiɛn ndɛ’n kan’n su. Kpɛkun, be lo be wun man Ɲanmiɛn i wawɛ’n naan ɔ kle be atin naan be nuan w’a sɛ ajalɛ nga bé wá fá be’n be su.—Sa Nga Be Yoli’n 15:25.

?Wan mun yɛ be uka e Anuannzɛ’n i Ɲrun Dinfuɛ mun-ɔn?

 Be nga be uka e Anuannzɛ’n i Ɲrun Dinfuɛ mun’n, be ti Klisifuɛ mɔ b’a tin Ɲanmiɛn sulɛ nun’n yɛ be kwla lafi be su. (1 Korɛntifuɛ Mun 4:2) Be di junman komite’m be nun yɛ be si be junman’n i di kpa. Kɛ lemɔcuɛ kwlaa nun’n komite nga be o nun’n bé yó be aɲia’n, be trɛn i bo wie. Be kle e Ɲrun Dinfuɛ nga be o be komite nun’n like nga be kwla yo’n afɔtuɛ yɛ be kan ninnge wie’m be su ndɛ be kle be. Sanngɛ be faman ajalɛ’n wie. Asa’n be di ajalɛ nga komite’n fa’n su yɛ be nian wafa nga i bo’n gúa’n su. Anuannzɛ’n i Ɲrun Dinfuɛ’m be kwla sunman be naan be ko nian Zoova i Lalofuɛ nga be o mɛn wunmuan’n nun’n be osu. Kusu’n be kwla man be junman aɲia nga e Ɲrun Dinfuɛ’m be yo i afuɛ kwlaa nun’n nin Galaadi suklu ba’m be diplɔmun manlɛ aɲia’n i bo.

BE NGA BE UKA E ƝRUN DINFUƐ MUN’N

Komite mun

Be dunman

Aniaan nga be nian junman’m be su’n

  • Jɔnun Ekranin

  • Pɔlu Gilisi

  • Trɔi Sinaidɛɛ

Aniaan nga be nian Betɛlifuɛ’m be su’n

  • Zeraldi Glizɔlu

  • Patriki Lafranka

  • Daniɛli Mɔlusanin

  • Ralfu Wɔlsu

Aniaan nga be nian anuannzɛ’n i ninnge’m be su’n

  • Robɛɛ Bɛtilɛɛ

  • Arɔldu Kɔɔkɛnin

  • Gajisi Glokantɛn

  • Donaldi Gɔɔdɔnun

  • Robɛɛ Lisionin

  • Alɛsi Rɛmilɛɛ

  • Davidi Sɛnklɛɛ

Aniaan nga be nian jasin fɛ bolɛ junman’n su’n

  • Gari Bro

  • Zɔɛli Dilingɛɛ

  • Beti Zɔzu

  • Antonin Grifinin

  • Sɛti Yati

  • Jodi Jedɔlu

  • Mavɔɔ KIistofɛɛ

  • Baltazaa Pɛɛla

  • Zonatan Simiti

  • Wiliamun Tɔnɛɛ

  • Leɔn Wivɛɛ

Aniaan nga be nian like klelɛ junman’n su’n

  • Kuuzan Ronaldi

  • Kɛnɛti Flodinin

  • Wiliamun Malanfan

  • Marki Nunmɛɛ

  • Davidi Sefɛɛ

Aniaan nga be nian fluwa klɛlɛ junman’n su’n

  • Nikola Aladisi

  • Pɛɛ Klisitɛnsɛnin

  • Siranko Robɛɛ

  • Kenɛti Gɔdubɛɛnin

  • Jɛmunsi Mansi

  • Izaki Marɛ

  • Klaivu Maatɛn

  • Leonaa Mayɛɛ

  • Ginin Simaile

  • Ɛɛmanisi Van Sɛlimun