?Sɛ a sro wie’n, ngue yɛ ɔ kwla uka wɔ-ɔ?
Ndɛ nga Biblu’n kan’n
Kɛ mɔ wie’n ti e kpɔfuɛ’n ti’n, e kwlaa e sro i. I sɔ’n ti’n, e sasa e nguan’n. (1 Korɛntifuɛ Mun 15:26) Sanngɛ ato ndɛ wie mɔ sran wie’m be tili’n ti’n, be sro wie’n tratra su. Biblu’n se kɛ “wie’n i srolɛ’n ti’n, b’a kaci kɛ kanga sa.” (Ebre Mun 2:15) Sanngɛ sɛ a si wie’n i su ndɛ nanwlɛ’n, a su sromɛn i tratraman su. Afin sɛ a sro i tratra su’n, ɔ wla su guaman ase le.—Zan 8:32.
Wie’n i su ndɛ nanwlɛ’n
Be nga be wuli’n, be wunman sa wlɛ. (Jue Mun 146:4) Nán bu i kɛ sɛ a wu’n, á kó wún ɲrɛnnɛn lika wie. Afin Biblu’n waan kɛ e wu’n, ɔ ti kɛ e su lafi sa.—Jue Mun 13:3; Zan 11:11-14.
Be nga be wuli’n, be kwlá yoman e abɔlɛ. Be nga laa be yoli sran’m be kpokokpoko bɔbɔ’n, kɛ be ko wu’n “be kwlá kejeman be wun” kun. (Ɲanndra Mun 21:16) Biblu’n se kɛ: “Be sran kpɔlɛ-o, be kwla silɛ-o, i kwlaa w’a wie.”—Akunndanfuɛ’n 9:6.
Kɛ e ko wu’n, ɔ kleman kɛ e liɛ w’a wie mlɔnmlɔn. Ɲanmiɛn waan ɔ́ cɛ́n be nga be wuli’n be nguan.—Zan 5:28, 29; Sa Nga Be Yoli’n 24:15.
Ɲanmiɛn tali nda kɛ cɛn wie lele’n, “wie’n su tranman lɛ kun.” (Sa Nglo Yilɛ 21:4) Biblu’n kannin blɛ sɔ’n i ndɛ seli kɛ: “Asiɛ’n yó sran kpa’m be liɛ, yɛ bé trán su tititi.” Sran sɔ’m be su sroman wie’n i kun mlɔnmlɔn.—Jue Mun 37:29.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Be nga be wuli’n be o nin?
Biblu’n kan kɛ blɛ kun wá jú’n sran’m be cɛn nguan kɛ nga Lazaa fa cɛnnin nguan’n sa.
SASAFUƐ TRANWLƐ'N
Nguan’n nin wie’n be su ndɛ nga Biblu’n kan’n
?Be wu be o lɔ? ?Be nga be wuli’n be o nin?
KOSAN MƆ BIBLU’N TƐ BE SU’N
?Ngue yɛle sran cɛnlɛ’n?
Atrɛkpa’n, kɛ be kan be nga bé wá cɛ́n be’n be ndɛ’n i sɔ’n bo ɔ nuan.
