?Ngue ti yɛ ɔ fata kɛ e srɛ Ɲanmiɛn, Zezi dunman nun-ɔn?
Ndɛ nga Biblu’n kan’n
Like nga ti yɛ ɔ fata kɛ e srɛ Ɲanmiɛn, Zezi dunman’n nun’n yɛle kɛ i sɔ yɛ Ɲanmiɛn bɔbɔ kunndɛ kɛ e yo-ɔ. Zezi seli kɛ: “Min yɛ n ti atin’n nin nanwlɛ’n nin nguan’n niɔn. Sran nga w’a sinman min nun’n, ɔ kwlá kɔman Siɛ’n i wun lɔ.” (Zan 14:6) Asa’n, ɔ seli i akoto nanwlɛfuɛ mun kɛ: “Nanwlɛ, ń kán klé amun kpa kɛ like kwlaa nga amun srɛ Siɛ’n, ɔ́ fá mán amun min dunman nun.”—Zan 16:23.
Like nga ti yɛ ɔ fata kɛ e srɛ Ɲanmiɛn, Zezi dunman nun ekun’n
E kle kɛ e ɲin yi Zezi nin i Si Zoova.—Filipufuɛ Mun 2:9-11.
E kle kɛ e lafi su kɛ tɛ nga Zezi yili’n i ti yɛ Ɲanmiɛn dé e-ɔ.—Matie 20:28; Sa Nga Be Yoli’n 4:12.
E lafi su kɛ Zezi yɛ ɔ kpata e ti Ɲanmiɛn ɲrun-ɔn.—Ebre Mun 7:25.
E lafi su kɛ Zezi yɛ ɔ ti e Ɲanmiɛn ɲrun jranfuɛ dan’n niɔn, naan i yɛ ɔ kwla uka e naan Ɲanmiɛn w’a bu e sran kpa-ɔ.—Ebre Mun 4:14-16.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Ɔ fata kɛ e srɛ be nga be flɛ be sɛsɛfuɛ mun?
Kanngan nun naan si sran nga Biblu’n waan e srɛ i’n.
SASAFUƐ TRANWLƐ'N
?Wafa sɛ yɛ ɔ fata kɛ e srɛ Ɲanmiɛn naan w’a ti-ɔ?
E kwla srɛ Ɲanmiɛn lika kwlaa nin blɛ kwlaa nun. Kɛ é srɛ́ Zoova’n e kwla man e nɛn’n su annzɛ e kan ndɛ’n e klun lɔ. Zezi kleli e ndɛ nga e kwla kan’n.
