?Ngue yɛ Ɲanmiɛn Sielɛ’n wá yó-ɔ?

Ndɛ nga Biblu’n kan’n

Ɲanmiɛn Sielɛ’n wá núnnún klɔ sran’m be awa’m be kwlaa yɛ i bɔbɔ síe asiɛ’n wunmuan’n. (Daniɛli 2:44; Sa Nglo Yilɛ 16:14) Blɛ sɔ’n nun’n, Ɲanmiɛn wá yó ninnge nga mun:

Ɔ́ wá núnnún klunwifuɛ mun. Be dunman nun ti yɛ e wun e ɲrun-ɔn. “Klunwifuɛ’m be liɛ’n, bé núnnún be asiɛ’n su.”—Ɲanndra Mun 2:22.
Ɔ́ yó maan alɛ’m be kwlaa bé wíe. “[Ɲanmiɛn] yo maan alɛ kunlɛ’n wie asiɛ wunmuan’n su.”—Jue Mun 46:9.
Ɔ́ yó maan asiɛ’n sufuɛ’m be wun jɔ́ be yɛ bé dí alaje. “Sran’m bé dí vinyi fie nin be olivie fie fɔuun, sran fi su wlaman be nyin nglonglo kun.”—Mise 4:4, Nyanmiɛn Ndɛ’n.
Ɔ́ yó maan asiɛ’n káci lika klanman. “Aawlɛ flɛnnɛn’n nin asiɛ kee’n bé bó sró, yɛ lika kpɛtɛkplɛɛ’n i klun wá jɔ́, ɔ́ wá bó nɲrɛ.”—Ezai 35:1.
Ɔ́ yó maan sran kwlaa ɲán junman kpa dí. “Sran mɔ [Ɲanmiɛn] kpali be’n, bé ɲán be sa nuan ninnge’m be su ye dan. Be su fɛman ngbɛn.”—Ezai 65:21-23.
Ɔ́ núnnún tukpacɛ mun. “Sran fi su seman kɛ: ‘N kpinndinman.’”—Ezai 33:24.
Ɔ́ yó maan e su yoman oke kun. “Maan i wunnɛn ba’n yo mɔnnɛn trɛ i gbanflɛn nun’n. Maan ɔ sɛ i sin yo kpinndinkpinndin kɛ i gbanflɛn nun’n sa.”—Zɔbu 33:25.
Ɔ́ cɛ́n be nga be wuli’n. “Be kwlaa nga be o ndia’m be nun’n, bé tí [Zezi] i nɛn’n kpɛkun bé fín ndia’m be nun bé fíte.”—Zan 5:28, 29.

Ndɛ uflɛ wie mun

Biblu’n Ɲanmiɛn Sielɛ’n Ɲrɛnnɛn wunlɛ Kosan mɔ biblu’n tɛ be su’n

Ninnge wie mɔ be kwla yo ɔ fɛ ekun'n

KOSAN MƆ BIBLU’N TƐ BE SU’N

?Wafa sɛ yɛ fɔundi trán asiɛ wunmuan’n su-ɔ?

Nian wafa nga Ɲanmiɛn wá yó naan fɔundi w’a tran asiɛ wunmuan’n su’n.

NDƐ WIE MUN EKUN

E kwla lafi su kɛ e ɲrun lɔ’n yó kpa

?Ngue ti yɛ e ɲrun lɔ sa’m be su ndɛ nga Biblu’n kan’n ɔ nin sran’m be liɛ nga be kan’n ɔ timan kun-ɔn?

NINNGE CINNJIN NGA BIBLU’N KLE BE’N

?Ngue yɛ be flɛ i Ɲanmiɛn Sielɛ’n niɔn?

I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.

SASAFUƐ TRANWLƐ'N