Kɔ i nun ndɛ'n su trele

Kɔ i nun yiyilɛ nɲɔn su'n su trele

Kɔ like ng'ɔ o fluwa'n nun'n su trele

Zoova i Lalofuɛ mun

Wawle

Sasafuɛ Tranwlɛ'n  |  No. 4 2017

Be nga Ɲanmiɛn wá síe be’n “be wun jɔ́ be kpa fɔuun!” —Jue Mun 37:11.

?Ndɛ benin yɛ Biblu’n kan-ɔn?

?Ndɛ benin yɛ Biblu’n kan-ɔn?

?Ndɛ ng’ɔ o Biblu’n nun’n ti, e kwla yaci kokolɛ?

?Á tɛ́ su sɛ?

  • Ɛɛn

  • Cɛcɛ

  • Ɔ kwla yo sɔ

Ndɛ nga Biblu’n kan’n

“An koko sa ng’ɔ o amun su’n i kwlaa kle [Ɲanmiɛn], afin i yɛ ɔ nian amun lika-a.” (1 Piɛr 5:7) Biblu’n kle weiin kɛ Ɲanmiɛn kwla ti e wun ɲanman nun naan y’a kokoman kun.

?Ngue ekun yɛ Biblu’n kle e-ɔ?

  • Sɛ e srɛ Ɲanmiɛn’n, ɔ́ yó maan e ‘wun jɔ́ e fɔuun.’ Ɔ maan, e su kokoman dan kun. —Filipfuɛ Mun 4:6, 7.

  • Sɛ e kanngan Ɲanmiɛn Ndɛ’n nun’n, e kwla wun sa ng’ɔ o e su’n i trawlɛ. —Matie 11:28-30.

?Cɛn wie lele é yáci kokolɛ mlɔnmlɔn?

Sran wie’m be se kɛ... klɔ sran kwlá yaciman kokolɛ le. Yɛ wie’m be waan kɛ sran wu’n, lika ng’ɔ kɔ’n i nun lɔ yɛ ɔ yaci kokolɛ-ɔ. ?A bu i sɛ?

Ndɛ nga Biblu’n kan’n

Ɲanmiɛn seli kɛ ɔ́ wá núnnún like kwlaa nga ti yɛ sran’m be koko’n. Yɛle kɛ, “wie’n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun.” —Sa Nglo Yilɛ 21:4.

?Ngue ekun yɛ Biblu’n kle e-ɔ?

  • Be nga Ɲanmiɛn wá síe be’n, be wun jɔ́ be fɔuun. Be klun su titiman be.—Ezai 32:18.

  • Sa nga ti yɛ sran’m be koko’n bé káci laa sa. Be su boman be su be diman jɔlɛ kun.—Ezai 65:17.

 

SUAN LIKE UFLƐ EKUN

?Ngue like yɛ Biblu’n kle i sakpasakpa ɔ?

?Ngue like yɛ Ɲanmiɛn waan ɔ́ yó i asiɛ’n su ɔ?

Ɲanmiɛn waan ɔ́ yó naan asiɛ’n kaci lika klanman. ?Ɔ kwla yo sɔ sakpa? ?Sɛ ɔ kwla yo sɔ’n, blɛ benin nun ɔn?