AN TINNGE! No. 1 2025 | B’a uka ninnge’m be gua’n su: ?É yó i sɛ?
?Ninnge’m be gua mɔ b’a uka su’n ti’n, a koko? ?A di junman kekle kpa naan w’a ɲan ɔ nuan nun aliɛ kan? ?A ɲanman ɔ ti kaan sa naan a nin ɔ awlofuɛ nin ɔ janvuɛ mun amun a yo ninnge mun likawlɛ? Sɛ ɔ ti sɔ’n, fluwa An Tinnge! nga i nun ndɛ’n wá úka wɔ kpa. Afɔtuɛ nga be o nun’n, bé wá úka wɔ naan w’a kokoman dan naan ɔ wla w’a gua ase kan. Fluwa’n i nun ndɛ kasiɛn’n kan like kpa kun mɔ é wá ɲɛ́n i e ɲrun lɔ’n i ndɛ. Sɛ a si like sɔ’n, á ɲán su ye dɔ nga su bɔbɔ.
Nán maan ɔ bo ɔ nuan
Sɛ e wun i wlɛ kɛ bé úka ninnge’m be gua’n su’n, i sɔ’n kwla uka e naan sika’n ndɛ’n w’a yoman kekle e su.
Yo ɔ sika’n i cɛcɛ
Nian ajalɛ nnun mɔ be kwla uka wɔ naan w’a yo ɔ sika’n i cɛcɛ’n.
Maan ɔ ɲin yi like nga a le i’n
Nian like ng’ɔ kwla uka ɔ naan ɔ ɲin w’a yi like kan nga a le i’n naan w’a di aklunjɔɛ’n.
Cɛ ɔ wiengu like
?Kɛ sika ndɛ’n yo kekle’n, wafa sɛ yɛ ɔ wiengu’m be like cɛlɛ’n kwla uka wɔ-ɔ?
Lafi su kɛ e ɲrun lɔ’n yó kpa
Biblu’n kan like kpa kun mɔ é wá ɲɛ́n i e ɲrun lɔ’n i ndɛ. Like sɔ’n kwla uka e naan dɔ nga su bɔbɔ’n e wla w’a gua ase.
Si ndɛ’n nun kpa ekun
Biblu’n uka sran kpanngban mɔ sika ndɛ’n ti kekle be su’n. Ɔ kwla uka wɔ wie.
